Археолагі знайшлі пад Бешанковічамі ўнікальны амулет каменнага веку

Знаходцы — каля пяці тысяч гадоў.

Экспедыцыя Інстытута гісторыі Нацыянальнай акадэміі навук пад кіраўніцтвам Максіма Чарняўскага завяршае вывучэнне помніка неаліту і ранняга бронзавага веку Асавец-2, піша тэлеграм-канал «Спадчына».

Галоўнай знаходкай апошніх дзён стаў касцяны амулет паўночнабеларускай культуры ў выглядзе жывёлы, датаваны сярэдзінай III тысячагоддзя да н.э. Артэфакт быў выяўлены непасрэдна падчас расчысткі матэрыка.

Таксама сярод характэрных знаходак гэтага сезона — падвеска з мядзведжай фалангі, крамянёвыя сякеры і бурштынавыя гузікі.

Асавец-2 належыць да катэгорыі тарфяных паселішчаў, што робіць яго выключна каштоўным для навукі. Пасля таго як людзі пакінулі гэтую тэрыторыю, культурны пласт апынуўся пад вадой і быў пакрыты слоем тарфу. Дзякуючы анаэробнаму асяроддзю і недахопу кіслароду тут выдатна захаваліся не толькі кераміка і крамянёвыя прылады, але і арганічныя прадметы: вырабы з косткі, рага, дрэва, а таксама паляўнічае і рыбалоўнае снаражэнне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com