У Расіі за «шпіянаж» затрымалі японскага журналіста

Журналіст быў акрэдытаваны пры МЗС Расіі і афіцыйна працаваў у краіне.

У Сахалінскай вобласці Расіі за «шпіянаж у інтарэсах адной з японскіх спецслужбаў» затрымалі японскага журналіста газеты «Хакайда Сімбун» Імаі Юкі. Пра гэта паведаміла ФСБ.

«Ён ажыццяўляў збор і захоўванне звестак, якія маюць дачыненне да абароназдольнасці краіны, з мэтай іх перадачы па заданні нацыянальнай разведкі для выкарыстання супраць бяспекі РФ. Напярэдадні вылету за межы нашай краіны замежнік быў затрыманы на тэрыторыі Сахалінскай вобласці, пасля чаго дастаўлены ў Маскву», — паведамілі ў спецслужбе.

Супраць журналіста ўзбудзілі крымінальную справу па артыкуле 276 КК РФ (шпіянаж). Па рашэнні Лефортаўскага раённага суда Масквы яго арыштавалі амаль на два месяцы.

Журналіст быў акрэдытаваны пры МЗС Расіі і афіцыйна працаваў у краіне.

Афіцыйная прадстаўніца расійскага знешнепалітычнага ведамства Марыя Захарава абвінаваціла Токіа ў «спробах задзейнічаць сваіх карэспандэнтаў для збору інфармацыі з мэтай падрыву бяспекі Расіі».

«З улікам агульнай дэградацыі двухбаковага супрацоўніцтва, выкліканай антырасійскім курсам японскіх уладаў пасля пачатку СВА, а таксама нежаданнем Токіа прыслухоўвацца да заклапочанасцяў Масквы наконт курсу на рэмілітарызацыю Японіі, які закранае нашыя законныя інтарэсы ў сферы бяспекі на Далёкім Усходзе, вымушаныя адзначыць, што тое, што адбылося, стане дадатковым фактарам, які пагоршыць атмасферу расійска-японскіх адносін. У чарговы раз заклікаем афіцыйны Токіа апамятацца і змяніць свой падыход, адмовіўшыся ад варожых крокаў адносна Расіі», — заявіла Захарава.

Пасольства Японіі ў Расіі і МЗС краіны пакуль не пракаментавалі затрыманне.

Нагадаем, у ліпені амерыканская газета The New York Times апублікавала маштабнае расследаванне, у якім сцвярджаецца, што пасля пачатку поўнамаштабнай вайны супраць Украіны Расія значна ўзмацніла дзейнасць сваёй ваеннай разведкі ў Японіі. Паводле дадзеных выдання, менавіта японскі напрамак стаў адным з ключавых каналаў атрымання высокатэхналагічных кампанентаў, неабходных для вытворчасці сучаснага ўзбраення ва ўмовах заходніх санкцый.

У жніўні дыктатар Расіі Уладзімір Пуцін упершыню прыляцеў на курыльскі востраў Ітуруп. Японія выказала пратэст, заяўіўшы, што Паўночныя тэрыторыі, уключаючы востраў Эторыфу (так на айнскай мове называецца востраў Ітуруп. — Заўв. рэд.), з’яўляюцца тэрыторыяй Японіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com