Расейскі прапагандыст Салаўёў трапіў у новы скандал
41- 11.01.2020, 20:48
- 41,634
Сацсеткі абурыліся сімпатыямі прапагандыста да Мусаліні.
Расейскі тэлевядоўца Уладзімір Салаўёў у аўторак апублікаваў у сваім тэлеграм-канале хвалебны водгук, пакінуты на ягоны фільм "Мусаліні. Заход", які выйшаў у 2013 годзе. У водгуку публіцыст Ігар Молатаў называе Мусаліні "бліскучым чалавекам", які "даў свету трэці шлях, па якім часткова сёння ідзе Расея", і хваліць Салаўёва за фільм, паведамляе BBC.
"Уладзімір Салаўёў зрабіў вельмі патрэбны фільм. Патрэбны перш за ўсё таму, што ў нас Дучэ ўважаюць за маньяка, і не разумеюць, што фашызм і халерны нацызм - розныя рэчы", - так піша аўтар тэлеграм-канала "Нататкі з чырвонага дома" Ігар Молатаў пра фільм Салаўёва. Ён, апроч іншага, вядомы тым, што публікуе калонкі на сайце пракрамлёўскага тэлеканала RT.
Пасля таго як водгук перапосціў Салаўёў, у сацыяльных сетках пачалося бурнае абмеркаванне таго, ці этычна для супрацоўніка дзяржаўнага тэлеканала так адгукаца пра лідара фашысцкай Італіі. Тэлевядоўцу пачалі нават абвінаваціць у сімпатыях да яе.
Жалко Владимир Рудольфович Соловьев меня заблочил. А то обсудили бы, почему он в таком восторге от своего знаменитого земляка - Муссолини. Надеюсь, когда в следующий раз он назовёт меня «нацик», подпишется: «верный сын Бенито».
— Alexey Navalny (@navalny) January 7, 2020
Вядома, што Навальнага ў "Твітэры" Салаўёў называе не інакш як "нацык", а ўзброены канфлікт на ўсходзе Украіны назваў "вайной антыфашыстаў з фашыстамі".
"Уяўляю, якая істэрыка пачалася б у дзяржаўных СМІ, сярод чыноўнікаў і дэпутатаў Дзярждумы, калі б у гэтым духу дазволіла сабе выказацца, напрыклад, "Эхо Москвы" ці тэлеканал "Дождь". Але калі за справу бярэцца галоўны прапагандыст і ягоны сябрукі, "дедовская скрепа" ўжо несапраўдная", - напісаў у "Жывым Журнале" блогер Ілля Варламаў.
"Мне вось цікава, ці варта чакаць ухвалення дзейнасці Мусаліні федэральнымі тэлеканаламі і прадстаўнікамі ўладаў?"- задаецца пытаннем ён.
Некаторыя выказалі здагадку, што палеміку аб Мусаліні Салаўёў пачаў, каб канчаткова пераехаць у Італію. Раней Фонд барацьбы з карупцыяй, заснаваны апазіцыянерам Аляксеем Навальным, сцвярджаў, што ў вядоўцы там ёсць нерухомасць. У Салаўёва ёсць як мінімум адна віла на возеры Камо ў Італіі – гэтую маёмасць ён не адмаўляе.
Муссолини закончил свою жизнь на озере Комо. Совпадение? Не думаю
— Pavel Pryanikov (@netovetz) January 7, 2020
"Я не дзяржаўны службоўца, ніякіх законаў не парушаў. Захочацца купіць дзе-небудзь яшчэ-дзе-небудзь яшчэ куплю. Падаткі плачу, сродкі дазваляюць. Зарабляю шмат, атрымліваю вялікае задавальненне ад таго, што мае праграмы прыносяць грошы тэлеканалу "Расія", - казаў Салаўёў у студзені летась у адказ на расследаванне ФБК Навальнага аб яго нерухомасці ў Італіі.
У адказ на незадаволенасць сацсетак сваім фільмам і рэпостам водгуку Молатава тэлевядоўца апублікаваў саму карціну, дадаўшы, што "істэрыкай оппаў задаволены", а "разумныя паглядзяць і ўсё зразумеюць", не знайшоўшы ў фільме апраўдання нацызму.
Для умных рекомендую посмотреть фильм о последних днях Муссолини. Крики жирных пИнгвинов и ложь тупого КаКашина меня позабавили. Истерикой оппов удовлетворен. Ну, а умные посмотрят и все поймут. Никакого оправдания нацизма не найдут))) https://t.co/5r5Gtx4r9C
— Vladimir Soloviev (@VRSoloviev) January 7, 2020
У сераду 8 студзеня дзяржаўны тэлеканал RT апублікаваў калонку пісьменніка Дзмітрыя Пятроўскага, у якой ён заявіў, што факты, прыведзеныя ў фільме Салаўёва, "вядомыя". У іх ліку ён называе непрыязнае стаўленне Мусаліні да Гітлера і адсутнасць у былога кіраўніка італьянскага ўрада антысеміцкіх поглядаў.
Пятроўскі ў сваім тэксце падзяляе і нават супрацьпастаўляе фашызм і нацыянал-сацыялізм, - ён піша, што падчас Вялікай Айчыннай вайны апанентамі прадставілі менавіта фашыстаў, бо гэта было "больш гучна".
"Ён займаўся індустрыялізацыяй, будаваў дарогі, развіваў перадавыя кірункі тэхнікі накшталт машынабудавання і авіяцыі - прычым зусім не за кошт бясплатнай працы "унтэрменшай", як гэта рабіў яго "калега" з Нямеччыны, - піша Пятроўскі. - Гітлера ён называў "лютай і жорсткай істотай", а яго краіну - "краінай варвараў","адвечнымі ворагамі Рыма".
"Мусаліні здзейсніў фатальную памылку, калі даў немцам зачараваць сябе, а потым лёг пад іх і ўвязаўся ў вайну, - тады ў Італіі з'явіліся канцлагеры, тады яна сапраўды стала няўдалай копіяй Нямеччыны, хоць у пачатку ўсё было роўна наадварот", - сцвярджае пісьменнік у апублікаваным на сайце RT тэксце.
У адказ на гэта галоўны рэдактар выдання The Insider Раман Дабрахотаў прывёў цытаты Мусаліні, у якіх той называе сябе расістам.
Теперь уже и телеканал Маргариты @M_Simonyan рассказывает, что Муссолини не был расистом и не любил Гитлера (сам дуче был другого мнения, см скрин). Интересно, что это так пропагандисты внезапно фашистов полюбили, не готовят ли нас к чему-то? https://t.co/UyAVKlNAuM pic.twitter.com/zRtLNYPSnU
— Roman Dobrokhotov (@Dobrokhotov) January 8, 2020
Яны ўзятыя з апублікаваных у 2009 годзе дзённікаў палюбоўніцы Мусаліні-Кларычэ Петачы, якія ахопліваюць перыяд з 1932 да 1938 года.
Бэніта Мусаліні ўзначальваў Італію як прэм'ер-міністр у 1922-1943 гадах. Ён стаў адным з заснавальнікаў італьянскага фашызму, які грунтаваўся на кульце нацыянальнага лідара, аднапартыйнай сістэме кіравання, сацыяльным дарвінізме і экспансіянізме. У перыяд яго кіравання ў Італіі ўсталяваўся таталітарны рэжым, вядомыя выпадкі палітычных рэпрэсій.
Адольф Гітлер лічыў Мусаліні сваім ідэйным натхняльнікам, браў яго за ўзор для пераймання і сам ініцыяваў кантакты з ім. Стасункі лідараў адрозніваліся ў розныя перыяды часу - спачатку Мусаліні не выказваў сімпатыі Гітлеру, але бліжэй да канца 1930-х гадоў іх дачыненні палепшыліся, а ў Другой сусветнай вайне яны выступілі хаўруснікамі.
Мусаліні расстралялі разам з ягонай палюбоўніцай Кларычэ Петачы ў 1945 годзе. Іх целы падвесілі да перакрыццяў бензакалонкі на плошчы Ларэта ў Мілане. У фамільнай крыпце ў родным горадзе Прэдапіё Мусаліні пахавалі толькі праз 10 гадоў.