26 лютага 2020, Серада, 13:56
Засталося зусім крыху
Рубрыкі

Відэафакт: Створаны першы робат, падобны да птушкі

4
Відэафакт: Створаны першы робат, падобны да птушкі

Ён лётае, як сапраўдны голуб.

Птушкі могуць змяняць форму сваіх крылаў, прыціскаючы пёры адзін да аднаго ці наадварот, распушаць іх. Гэта дазваляе птушкам упэўнена і па-майстэрску манеўраваць у паветры. Менавіта гэтую асаблівасць выкарыстоўвалі навукоўцы са Стэнфардскага ўніверсітэта для стварэння рабатызаванага голуба, крылы якога могуць мяняць форму, як у сапраўдных птушак, піша National Geographic.

«Гэта даследаванне створыць умовы для канструявання больш гнуткіх самалётаў. З птушкападобнымі крыламі робаты маглі б рабіць больш стромкія павароты ў загрувашчаных прасторах, напрыклад, вакол будынкаў ці ў лясах», - заявіў Дарыё Фларэана, робататэхнік з Французскай Політэхнічнай Школы ў Лазане.

Стваральнікі PigeonBot засноўваліся ў сваёй працы на анатоміі сапраўдных галубоў. Яны згіналі і разгіналі крылы мёртвых птушак, каб высветліць, як птушкі кантралююць іх форму. Грунтуючыся на атрыманых выніках, каманда стварыла робата з сапраўднымі галубіным пер'ем - яго штучныя запясці і пальцы могуць змяняць форму крыла.

Падчас даследавання таксама высветлілася, што мікраструктуру пёраў забяспечвае іх счапленне адзін з адным, дазваляючы ператварыць крыло ў адзіную паверхню.

Вядучы аўтар даследавання інжынер і біёлаг з Стэнфарда Дэвід Ленцінк распавёў, што ў будучыні ягоная каманда плануе стварыць робата, які выкарыстоўвае прынцыпы біямеханікі палёту сокала. Гэта прылада, акрамя крылаў з пер'ем, будзе абсталяванае нагамі і, магчыма, дзюбай.