Астролаг распавёў, калі Пуцін сыдзе з улады

У правадыра РФ пачнуцца вялікія праблемы.

Прэзідэнт Расеі Уладзімір Пуцін можа пакінуць сваю пасаду найбліжэйшыя гады, аднак у 2020 годзе гэта наўрад ці адбудзецца.

Пра гэта ў інтэрв'ю "Апострафу" распавёў астролаг Улад Рос.

Паводле ягоных слоў, сур'ёзныя праблемы ў Пуціна пачнуцца ўжо ў 2021 годзе. Астролаг сцвярджае, што ў гэтым годзе "Уран, сімвал вялікіх пераваротаў, увойдзе ў "дом улады" Расеі і можа проста зрынуць увесь ягоны клан".

"Мы не ўбачым "Адзіную Расею", а белы мядзведзь будзе пабіт на выбарах увосень. І наогул, магчыма прадвесце нейкага бунту, калі народ не толькі ў Маскве, але і ў Пецярбургу выйдзе на вуліцы. 2022 год - самы дрэнны год для Пуціна, ён можа сысці з улады або нават не дажыць", - кажа Рос.

Таксама астролаг назваў пераемніка прэзідэнта Расеі - ім нібыта павінен стаць цяперашні прэм'ер-міністр Дзмітрый Мядзведзеў. Аднак гэта адбудзецца не ў 2020 годзе, які, на думку астролага, будзе годам падвядзення вынікаў, але не новых спраў.

"Усе застывае, астуджаюцца канфлікты ў свеце, больш ці менш павінна ўсё стабілізавацца. Застаецца толькі выбухная, небяспечная сітуацыя пераваротаў, як гэта ў свой час было на Блізкім Усходзе, калі Уран увайшоў у задыякальны знак Авена і на Блізкім Усходзе пачаліся рэвалюцыі. Тое ж самае здарыцца пасля ўваходжання Сатурна і Юпітэра ў задыякальны знак Вадалея 21 снежня 2020 года. Гэта харызматычнае злучэнне планет, і з іншых звестак, у гэты час на Урале нават можа нарадзіцца выратавальнік свету. Новы Ісус Хрыстос, які праз 30-40 гадоў павінен уратаваць Расею ад раздрабнення і знішчэння. Гэта будзе рэлігія агню, злучаная з рэлігіяй пустаты. Гэта значыць, рэлігія зараастрызму, злучаная з рэлігіяй дао, гэта значыць, будызмам", - мяркуе астролаг.

Улад Рос таксама даў прагноз на 2022 год, які можа стаць небяспечным часам для ўсяго свету.

"З іншага боку, злучэнне Сатурна і Плутона можа прывесці да сусветнай катастрофы. Іх злучэнне будзе адбывацца ў студзені-лютым, таму на Зямлю можа зваліцца нейкі астэроід ці нават пачнецца глабальная вулканічная зіма. Ванга казала: бойцеся года, дзе будзе пяць двоек. Таму мяне вельмі насцярожвае такая дата, як 22 лютага 2022 года. Менавіта ў гэты час дрэнна сыходзяцца планеты. Месяц злучаецца з Сатурнам і Плутонам, і магчымая глабальная катастрофа гэтай зімой", - папярэджвае ён.