«Праз пару тыдняў улада завагалася»

Як польскі досвед нацыянальнага старйку можа быць карысны і беларусам.

Чытач тэлеграм-канала «Баста!» падзяліўся польскім досведам забастоўкі. Магчыма, нейкія ідэю знойдуць водгук у беларусаў.

«Я на палову паляк і ўпершыню трапіў у Польшчу летам 1989 года, - піша наш чытач. - Сваякоў там шмат, усе яны расказвалі пра тое, як праганялі камуністаў, пра рух «Салідарнасць», і г.д. Упэўнены, што шмат хто чуў пра польскі ЗОМА - аналаг нашага АМАПу. Яны таксама лютавалі, расстрэльвалі і збівалі, і арыштоўвалі актывістаў. Таксама прапускалі мітынгоўцаў і арыштаваных праз калідор дубінак - наш АМАП дзейнічае, як пад капірку ЗОМА.

Палякі таксама атрымалі досвед бяды. Былі і мітынгі, і страйкі, і разгоны, і арышты. Фінальную кропку паставіла агульнанацыянальная забастоўка паводле Рымскага прынцыпе. Што гэта такое: у старажытным Рыме, калі грамадзяне былі незадаволеныя, яны ўсім горадам збіралі вузельчыкі з ежай і сыходзілі з горада. Усё! Калі вяльможы абломваліся, яны давалі людзям паслабленні і тыя вярталіся.

Палякі паступілі прасцей: яны прызначылі дзень і ўсе, хто быў на баку змены ўлады, раніцай выйшлі са сваіх дамоў у свае двары і засталіся там стаяць. І так з кожным днём. У першыя дні людзей было менш, але потым усё больш і больш, і праз тыдзень у дварах стаяла практычна ўся Польшча! Што добра, іх ніхто не арыштоўваў і не збіваў. Праз пару тыдняў улада завагалася. Урад сышоў у адстаўку і ў краіне прайшлі першыя свабодныя выбары!

Нашы шэсці выдатныя, але гэтага недастаткова. Калі загадзя прызначыць пачатак такой агульнанацыянальнай акцыі, каб людзі паспелі назапасіцца, гэта ўдарыць па ўладзе. Не дарма Лука спалохаўся ўводзіць карантын, а ўвесну ў яго з фінансамі была сітуацыя лепшая, чым цяпер. Плюс у тым, што ў такой акцыі могуць лёгка ўдзельнічаць і пенсіянеры, і людзі з інваліднасцю, і школьнікі - усе, хто можа выйсці ў двор свайго дома!»