Працоўныя «Гродна Азот» запісалі моцны відэазварот

Відэафакт.

Супрацоўнікі прадпрыемства ўспомнілі пра фальсіфікацыю выбараў, арышты кандыдатаў, збіванне мірных дэманстрантаў і пра іншыя факты дзяржаўнага бязмежжа. Яны выступілі супраць падману і жорсткасці, падкрэсліваючы, што абсалютная большасць супрацоўнікаў «Азота» прытрымліваюцца гэтай жа пазіцыі, паведамляе тэлеграм-канал Nexta.

Таксама яны запатрабавалі ў адміністрацыі прадпрыемства спыніць ціск на працоўны калектыў і спыніць звальненні. Праз гэта «Азот» пазбаўляецца высокакваліфікаваных працаўнікоў. Многія разглядаюць варыянт працоўнай эміграцыі.

Супрацоўнікі «Азота» звярнулі ўвагу, што адказныя за гвалт супраць народа так і не панеслі пакаранне, бандыцкія фармаванні не былі выведзены з гарадоў, а асноўныя правы грамадзян і працоўных працягваюць ушчамляцца. Акрамя таго, азотаўцы выказалі сваю салідарнасць з працаўнікамі іншых прадпрыемстваў, з сем'ямі загінулых і зніклых без вестак людзей, а таксама з палітвязнямі.

«Мы хочам жыць у свабоднай і незалежнай Беларусі!».