Трамп і Байдэн вяртаюцца да перадвыбарнай кампаніі

Кандыдаты наважылі сфакусавацца на тых штатах, што вагаюцца, па меры набліжэння выбараў.

Амерыканскі прэзідэнт-рэспубліканец Дональд Трамп і кандыдат у прэзідэнты ад Дэмакратычнай партыі Джо Байдэн вяртаюцца да правядзення сваіх перадвыбарчых кампаній у пятніцу пасля спарынгу, які яны напярэдадні ўвечары правялі, падчас сустрэч з выбарцамі, якія паралельна выйшлі ў тэлеэфір, паведамляе «Голос Америки».

Трамп і Байдэн наведаюць тры штаты, што вагаюцца, напярэдадні выбараў, якія пройдуць 3 лістапада, спрабуючы заваяваць сімпатыі выбарцаў, 18 мільёнаў з якіх ужо прагаласавалі, паводле звестак Універсітэта штата Фларыда.

Трамп зробіць прыпынак у Фларыдзе і Джорджыі, двух паўднёвых штатах, якія лічацца вырашальнымі для яго перавыбрання на другі тэрмін. Прэзідэнт выступае з прамовай у Фортэ-Маерс, штат Фларыда, дзе ён будзе гаварыць пра абарону пажылых людзей, а затым наведае гарады Акала ў Фларыдзе і Макон у Джорджыі.

Байдэн наведае Саўтфілд у Мічыгане, дзе выступіць з прамовай аб пашырэнні доступу да медыцынскай дапамогі, а затым правядзе мерапрыемства ў Дэтройце, каб заклікаць выбарцаў прагаласаваць датэрмінова.

Большасць апытанняў паказваюць, што Байдэн нязменна працягвае лідзіраваць у гонцы за Белы дом ужо на працягу некалькіх месяцаў. Трамп спадзяецца палепшыць свае вынікі за кошт правядзення перадвыбарных мерапрыемстваў і падчас наступных прэзідэнцкіх дэбатаў, якія запланаваны на 22 кастрычніка.

Трамп адмовіўся ўдзельнічаць у другіх прэзідэнцкіх дэбатах пасля таго, як арганізатары заявілі, што яны пройдуць у віртуальным рэжыме ў сувязі са станоўчым тэстам Трампа на COVID-19 у пачатку кастрычніка. Замест гэтага прэзідэнт позна ўвечары ў чацвер сустрэўся з выбарцамі ў Маямі. Байдэн у гэты ж самы час правёў сустрэчу з выбарцамі ў Філадэльфіі.

Кандыдат на пасаду віцэ-прэзідэнта ад дэмакратаў Камала Харыс прыпыніла паездкі ў рамках выбарчай кампаніі да панядзелка пасля таго, як ў дваіх чалавек, звязаных з яе асяроддзем, быў дыягнаставаны COVID-19. Штаб Байдэна заявіў, што ні Харыс, ні Байдэн не заразіліся каранавірусам.