Стаў вядомы прагноз надвор'я на Новы год у Беларусі
- 25.12.2020, 21:22
- 17,989
Не па-студзеньскаму цёплае надвор'е будзе спадарожнічаць усім навагоднім выходным.
Надвор'е, якое прагназуюць на Новы год 31 снежня 2020 г. - 1 студзеня 2021 г., можна назваць сакавіцкім. Дакладнага прагнозу на навагоднія дні ў Беларусі сіноптыкі пакуль не даюць, але kp.by сабраў звесткі пра папярэдні прагноз з некалькіх крыніц.
Такім чынам, пасля сёлетняй адлігі крыху падмарозіць. Месцамі дождж зменіцца снегам, але ненадоўга. Ужо з другой паловы дня 28 снежня Беларусь зноў накрыюць цёплыя, не па сезону, паветраныя масы. І з аўторка, 29 снежня, практычна па ўсёй краіне зноў задажджыцца, падыміцца вецер з парывамі да 17 вятроў у секунду, а максімальная дзённая тэмпература паветра павысіцца да плюс 9 градусаў!
Затым кірунак ветру будзе чаргавацца паўднёвым і паўднёва-усходнім, месцамі неба праясніцца і ападкі спыняцца. Ну а 31 снежня зноў прагназуюць дажджы і плюс 4-6 у сярэднім па рэспубліцы.
Імаверна, у новы 2021-ы год увойдзем з такім жа надвор'ем. 1 студзеня, паводле папярэдняга прагнозу, таксама магчымыя дажджы і блізу плюс 4 градусаў удзень. А вось навагодняй ноччу і ноч на 2 студзеня месцамі можа падмарозіць - гэта значыць, што зноў ёсць пагроза ўтварэння галалёду: давядзецца быць асцярожнымі, каб не злегчы на святы з траўмамі.
На гэты момант чакаецца, што не па-студзеньскаму цёплае надвор'е будзе спадарожнічаць усім навагоднім выхадным, па 3 студзеня, - з плюсавой тэмпературай удзень.