Улады КНР засакрэцілі даследаванні аб паходжанні COVID-19

Ніводная публікацыя не выходзіць у свет без адабрэння адмысловай камісіі.

Кітайскі ўрад засакрэціў даследаванні аб паходжанні COVID-19, піша Associated Press. Паводле яго звестак, улады КНР вылучаюць навукоўцам буйныя гранты на вывучэнне першакрыніцы пандэміі, аднак ні адна публікацыя не выходзіць у свет без адабрэння адмысловай камісіі, якая дзейнічае фактычна пад прамым кантролем кіраўніка дзяржавы Сі Цзіньпіна. Пра гэта агенцтву стала вядома дзякуючы ўцечцы дакумента. Журналісты размясцілі яго ў адкрытым доступе.

Адначасова кітайскі ўрад спрабуе прасоўваць версіі аб тым, што вірус нібыта мог зарадзіцца за межамі краіны, паказвае AP.

Асаблівая ўвага надаецца раёну, дзе размяшчаецца пячора, у якой могуць жыць заражаныя кажаны - носьбіты «віруса-прабацькі», роднаснага COVID-19. Гэтая зона знаходзіцца фактычна пад дзяржаўнай забаронай. Карэспандэнты AP, якія спрабавалі прабрацца туды, распавялі пра тое, што сілавікі «ў цывільным» сачылі за імі і затым перагарадзілі ім доступ, заблакаваўшы дарогі і падыходы да мэтавага аб'екту.

З пачатку года падкантрольныя кітайскім уладам навукоўцы актыўна вывучаюць жывёл - перш за ўсё, усё тых жа кажаноў - на прадмет першапрычыны інфекцыі. Тым не менш, дагэтуль не было апублікавана ні адной працы па гэтым пытанні, сцвярджае AP. Як сцвярджаецца, незалежным ад урада даследчыкам вельмі цяжка атрымаць права на вывучэнне жывых істот, якія жывуць на Поўдні Кітая.