5 сакавiка 2021, Пятніца, 19:23
Сім сім, Хартыя 97!
Рубрыкі

У Беларусі даражэе стацыянарная тэлефонная сувязь і паштовыя паслугі

15
У Беларусі даражэе стацыянарная тэлефонная сувязь і паштовыя паслугі

Кошты вырастуць ужо з 14 снежня.

МАРГ павысіў гранічныя максімальныя тарыфы на паслугі паштовай і электрасувязі агульнага карыстання, якія выконваюцца фізічнымі асобамі. Гэта прапісана ў яго пастанове №76 ад 23 лістапада, якая 4 снежня была апублікаваная на Нацыянальным прававым інтэрнэт-партале і ўвойдзе ў дзеянне праз 10 дзён пасля апублікавання, гэта значыць 14 снежня, піша «Брестская газета».

Абаненцкая плата за асобны стацыянарны тэлефон пры пачасовай аплаце вырасце на 15 капеек да 3,59 рубля, за спараны - на 12 капеек да 2,9 рубля за месяц. Пачасовая плата за хвіліну злучэння павялічыцца на 0,3 капейкі да 7,3 капейкі.

Абаненцкая плата за стацыянарны тэлефон, не пераведзены на пагадзінную аплату, павялічваецца на 21 капейку да 5,07 рубля за месяц за асобны тэлефон індывідуальнага карыстання, на 32 капейкі да 7,73 рубля за месяц за асобны тэлефон калектыўнага карыстання, і на 16 капеек да 3,82 рубля ў месяца за спараныя тэлефоны.

Хвіліна міжгародняй сувязі даражэе на 0,29 капейкі да 1,92 капейкі пры злучэнні без дапамогі тэлефаніста і на 0,43 капейкі да 2,88 капейкі пры злучэнні з дапамогай тэлефаніста.

Кошт перасылкі ўнутры Беларусі простых паштовых адпраўленняў (паштовай карткі, ліста масай да 20 г і бандэролі масай да 20 г) павялічваецца на 6 капеек да 60 капеек. Такія тарыфы прымяняюцца пры выкананні паслуг фізічнымі асобамі, за выключэннем ІП.

Аналагічны тарыф для юрыдычных асоб і ІП падвышаецца на 5 капеек да 50 капеек за адно адпраўленне.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».