Эстонія ўвяла новыя абмежаванні праз COVID-19

У краіне – новы максімум інфекаваных.

У Эстоніі з суботы пачалі дзейнічаць новыя абмежаванні, накіраваныя на стрымліванне распаўсюджвання каранавірусу.

Пра гэта паведамляе Charter97.org са спасылкай на эстонскія СМІ.

Для гандлёвых залаў і памяшканняў агульнага карыстання ў крамах, а таксама гандлёвых залах прадпрыемстваў сферы паслуг уводзіцца патрабаванне 50% запаўняльнасці ад агульнага аб’ёму памяшкання.

Акрамя таго, у гэтых памяшканнях уводзіцца правіла "2 + 2", гэта значыць людзі могуць знаходзіцца побач адзін з адным групамі не больш за два чалавекі, падтрымліваючы дыстанцыю не менш за два метры паміж двума людзьмі ці групамі.

Прадпрыемствы грамадскага харчавання, забаўляльныя ўстановы, а таксама месцы правядзення публічных мерапрыемстваў, у якіх няма стацыянарных сядзячых месцаў, павінны будуць адчыняцца не раней за 6-ю раніцы і зачыняцца не пазней за 22-ю гадзіну вечару (ранейшае абмежаванне дзейнічала з паўночы).

Пры гэтым у забаўляльных установах і на публічных мерапрыемствах без стацыянарных сядзячых месцаў змогуць адначасова прысутнічаць не больш за 250 чалавек.

Кінатэатры, тэатры і канцэртныя залы змогуць прадаўжаць працу на ранейшых умовах да 22:00. Пры гэтым у залах з сядзячымі месцамі дазваляецца заканчэнне кінасеансаў і прастаўленняў пасля 22:00.

У мерапрыемствах на свежым паветры змогуць удзельнічаць да 500 чалавек, калі яны займаюць не больш за палову вылучанай пад мерапрыемства тэрыторыі.

Прадпрыемствы грамадскага харчавання па-ранейшаму змогуць прадаваць ежу на вынас або з кур'ерскай дастаўкай.

Ні ў адным з пералічаных месцаў таксама не дазваляецца праводзіць закрытыя вечарыны.

Акрамя таго, захоўваецца дзеянне раней уведзеных абмежаванняў, як абавязковае нашэнне масак у публічных месцах і забеспячэнне наведвальнікаў сродкамі для дэзынфекцыі рук.

За апошні дзень у Эстоніі пацвердзілі 561 выпадак каранавірусу і гэта новы штодзённы максімум з пачатку пандэміі. Кумулятыўна захворванне за апошнія 14 дзён вырасла да 385,64 выпадкаў на 100 000 насельніцтва.