У Нямеччыне назвалі прэтэндэнта на пасаду лідара партыі Мэркель

Мэркель узначальвае ўрад Нямеччыны апошні тэрмін.

Былы старшыня парламенцкай фракцыі Хрысціянска-дэмакратычнага саюза (ХДС) Фрыдрых Мерц мае намер вылучыць сваю кандыдатуру на пасаду старшыні партыі.

Як паведамляе «Еўрапейская праўда», пра гэта піша Handelsblatt са спасылкай на крыніцы.

Год таму пасля пастановы Ангелы Мэркель скласці паўнамоцтвы старшыні партыі, Мерц браў удзел у выбарах новага партыйнага старшыні, аднак саступіў Анегрэт Крамп-Карэнбауэр.

Яна на днях заявіла, што не мае намеру вылучаць сваю кандыдатуру на пасаду канцлера на наступных парламенцкіх выбарах у 2021 годзе і што пасля запуску працэсу выбару кандыдатаў на пасаду канцлера ад кансерватараў сыдзе з пасады лідаркі ХДС.

Фрыдрых Мерц - былы старшыня парламенцкай Фракцыі ХДС, які сышоў з вялікай палітыкі яшчэ ў 2009 годзе праз адкрытую крытыку палітыкі «вялікай кааліцыі» па супрацьдзеянні фінансаваму крызісу.

Ён вядомы вострай крытыкай палітыкі Мэркель у сферы сацыяльнай палітыкі, выступаючы за зніжэнне розных тыпаў сацыялкі, суфінансавання адукацыйных паслуг, пачынаючы ад дзіцячых садкоў і павышэнне пенсіённага ўзросту. Немалаважным з'яўляецца таксама тое, што насуперак курсу Мэркель на адмову ад атамнай энэргетыкі ў рамках «энэргетычнага павароту» Мерц лічыць неабходным працяг эксплуатацыі АЭС.

Год таму нямецкія СМІ адзначалі, што па рашэнні Мерца балатавацца на пасаду лідара ХДС варта нікому іншаму як «патрыярху» нямецкай палітыкі, прэзідэнту Бундэстага і шматгадоваму міністру ва ўрадах Гельмута Коля і Ангелы Мэркель Вольфгангу Шойбле.

Паводле апытання, больш за ўсё немцаў хацелі б бачыць на чале ХДС менавіта Мерца.