Расколіна на адрэзку нафтаправода Мазыр - Берасце: адбыўся разліў нафты
34- 15.02.2020, 13:33
- 50,078
Плошча разліву нафты склала 0,5 кв. метра.
14 лютага адбыўся разліў нафты на адцінку нафтаправода Мазыр - Берасце ААТ «Гомельтранснафта Дружба» каля вёскі Вялікіх Зімовічаў Мазырскага раёна Гомельскай вобласці, паведамляе МНС.
Паведамленне выратавальнікам паступіла а 13.01. Выявілася, што разліў адбыўся праз парыў ніткі нафтаправода. Плошча разліву нафты на паверхні склала 0,5 кв. метра (15 літраў).
«Для адсячэння дэфектнага адрэзка перапынак у перапампоўванні нафты склаў 31 хвіліну. Для збору нафты і выдалення забруджанага грунту на месцы інцыдэнту працавалі 6 адзінак тэхнікі і 12 чалавек», - паведамілі ў МНС.
А 19.45 праца пашкоджанай ніткі нафтаправода была адноўленая. Пацярпелых няма.
Як паведамлялася раней, праз пашкоджанне на паўгадзіны давялося спыніць перапампоўванне нафты ў бок Польшчы.