29 траўня 2020, Пятніца, 10:35
Сім сім, Хартыя 97!
Рубрыкі

У Пецярбургу праходзіць марш памяці Барыса Нямцова

3
У Пецярбургу праходзіць марш памяці Барыса Нямцова

У акцыі ўдзельнічаюць блізу дзвюх тысячаў чалавек.

У Санкт-Пецярбургу праходзіць акцыя памяці Барыса Нямцова. Узгоднены з уладамі марш пачаўся апоўдні ў суботу, 28 лютага, каля станцыі метро "Горкаўская". Потым удзельнікі сабраліся ля Салавецкага каменя на Траецкай плошчы, адбываецца масавы пікет.

Людзі стаяць ля Салавецкага каменя, выкарыстанне гукаўзмацняльнай апаратуры забароненае, паведамляе карэспандэнт dw.com. Тэлеграм-канал "Аб'ектыў рэалій" паведаміў пра затрыманне на акцыі двух чалавек.

Перад пачаткам акцыі ўздоўж Аляксандраўскага парку выстраіліся машыны паліцыі і Расгвардыі. Пры гэтым марш санкцыянаваны адміністрацыяй Петраградскага раёна.

Супрацоўнікі паліцыі папярэджваюць удзельнікаў акцыі, што падчас шэсця нельга выкарыстоўваць сродкі нагляднай агітацыі і скандаваць лозунгі. У сувязі з гэтым шэсце планавалася правесці моўчкі, але, нягледзячы на папярэджанне паліцыі, людзі скандавалі "Барыс Нямцоў" і "Забойцаў Нямцова да адказу", паказвае далей карэспандэнт DW. Паводле ягоных ацэнак, у акцыі ўдзельнічаюць блізу 2 тысячаў чалавек. Арганізатары паведамілі пра тысячу сабраных.

Фота: DW

"Фантанка.ру" паведаміла пра 800 супрацоўнікаў "Расгвардыі"

Пецярбургскае выданне "Фантанка.ру" піша пра небывалую колькасць сілавікоў у цэнтры горада. Паводле ягоных звестак, у забеспячэнні парадку на акцыі ўдзельнічаюць блізу 800 супрацоўнікаў Расгвардыі, частка з іх была выкліканая з Петразаводска. Акрамя таго, на Манежнай плошчы заўважаны бронеаўтамабіль "Тыгр", а на даху аднаго з дамоў на Італьянскай вуліцы – снайперы, піша далей выданне.

Акрамя таго, напярэдадні ў цэнтры Санкт-Пецярбурга была заўважаная калона спецтэхнікі з карэльскімі нумарнымі знакамі, у складзе якой прысутнічалі аўтазакі і "Тыгр", паказвае "Фантанка.ру".

Улады Пецярбурга спрабавалі перашкодзіць удзелу школьнікаў

Раней камітэт адукацыі ўрада Санкт-Пецярбурга разаслаў кіраўнікам адукацыйных установаў ліст з просьбай правесці "прафілактычную працу" і не дапусціць удзелу школьнікаў у "несанкцыянаваных мерапрыемствах" 29 лютага на тэрыторыі горада. Пра гэта 28 лютага паведаміла мабільная група дапамогі затрыманым, заснаваная партыяй "Яблык".

Фота: DW

Ліст пазначаны адзнакай "Тэрмінова!", а подпіс пад ім паставіла выканаўца абавязкаў намесніка старшыні камітэта Алена Спаская. Зварот да кіраўнікоў навучальных установаў накіраваны ў адпаведнасці з распараджэннем намесніка кіраўніка галоўнай управы МУС Расеі ў Санкт-Пецярбургу і Ленінградскай вобласці Віктара Барысенкі.

Першапачаткова ў Санкт-Пецярбургу адмаўляліся ўзгадніць Марш Нямцова

Узгадненню акцыі ў Санкт-Пецярбургу папярэднічалі неаднаразовыя адмовы ўладаў. Усе пяць прапанаваных маршрутаў у цэнтры горада Смольны спачатку адхіліў, адзначыўшы ў сваёй адмове, што "незразумела", што арганізатары маюць на ўвазе пад абрэвіятурай "РФ". Арганізатары дамагаліся правядзення менавіта шэсця і, на аналогію з Масквой, менавіта ў цэнтры горада.

Фота: ТАСС

Сталічныя ўлады да гэтага ўзгаднілі правядзенне маршу памяці Нямцова 29 лютага. Удзельнікі маскоўскай акцыі ўшануюць памяць палітыка ў пятую гадавіну з дня ягонага забойства, а таксама запатрабуюць змяняльнасці ўлады ў Расеі і выкажуць свае адносіны да зменаў Канстытуцыі. Акцыі памяці Барыса Нямцова прайшлі і ў іншых гарадах Расеі, напрыклад у Новасібірску, Ніжнім Ноўгарадзе, Яраслаўлі, Волагдзе, Варонежы, Арле, Пермі, Казані.

Барыс Нямцоў быў забіты ўвечары 27 лютага 2015 года стрэламі ў спіну на Вялікім Маскварэцкім мосце ў непасрэднай блізкасці ад Крамля. У ліпені 2017 года Маскоўскі акруговы вайсковы суд прысудзіў выканаўцаў забойства Заура Дадаева, Анзора і Шадыда Губашавых, Тэмірлана Эскерханава і Хамзата Бахаева да пазбаўлення волі ад 11 да 20 гадоў. Арганізатары і заказчыкі злачынствы дагэтуль не вызначаныя.