«Супераўторак» у ЗША: улады заклікалі ўдзельнікаў праймерыз асцерагацца замежнага ўмяшання
1- 3.03.2020, 21:49
- 7,010
3 сакавіка першасныя выбары ў ЗША пройдуць у 14 штатах.
Замежныя дзяржавы паспрабуюць паўплываць на ход унутрыпартыйных выбараў, якія пройдуць у 14 амерыканскіх штатах ў так званы супераўторак 3 сакавіка. Пра гэта гаворыцца ў звароце, які 2 сакавіка падпісалі дзяржаўны сакратар ЗША Майк Пампея, кіраўнік Пентагона Марк Эспер, генпракурор Уільям Бар і кіраўнікі ўсіх ведамстваў, якія ўваходзяць у выведвальную супольнасць, паведамляе gordonua.com.
Тэкст дакумента апублікаваў тэлеканал NBC News у Twitter.
«Амерыканцам варта асцерагацца таго, што замежныя гульцы працягваюць спробы паўплываць на грамадскае меркаванне і сфармаваць бачанне выбарцаў. У сацыяльных сетках яны распаўсюджваюць ілжывую інфармацыю і прапаганду пра палітычны працэс і кандыдатаў, спадзеючыся выклікаць замяшанне і пасеяць сумненні ў нашай сістэме. Мы застаёмся ў поўнай гатоўнасці адказаць на любыя спробы сарваць выбарчы працэс 2020 года», - гаворыцца ў заяве.
Урад, сілавыя і выведвальныя структуры каардынуюць намаганні, каб супрацьстаяць замежнаму ўплыву, дадалі аўтары звароту.
JUST IN: State Dept., DOJ, FBI and others issue joint statement ahead of #SuperTuesday:
— NBC News (@NBCNews) March 2, 2020
Americans "must remain aware that foreign actors continue to try to influence public sentiment and shape voter perceptions." pic.twitter.com/rfR4xaO1BS