Міністэрства аховы здароўя прадаўжае маўчаць пра каранавірус у Беларусі
19- 9.03.2020, 11:15
- 31,721
Ад беларусаў хаваюць праўду?
Колькасць заражаных каранавірусам у свеце на сёння перавысіла 100 тысячаў чалавек. Расце і колькасць памерлых ад эпідэміі новай хваробы.
Ад захворванняў, якія выклікае каранавірус SARS-CoV-2, у Італіі памерлі 366 чалавек, што вывела краіну на другое месца ў свеце ў смяротнасці ад вірусу пасля Кітая. 16 мільёнаў чалавек знаходзяцца пад карантынам у раёне Ламбардыі. За суткі з 7 да 8 сакавіка памерлі 133 чалавекі.
Расце колькасць тых, хто заразіўся і ў краінах-суседках Беларусі. Так у Польшчы колькасць інфекцыяваных дасягнула 11 чалавек. У суседняй Расеі, у якой няма мяжы з Беларуссю, зарэгістраваныя 17 выпадкаў каранавіруснай інфекцыі. У Латвіі тры пацверджаныя выпадкі інфекцыявання, у Літве – 1.
У гэты самы час у Беларусі, паводле словаў Міністэрства аховы здароўя, адмоўная дынаміка захворванняў. Нагадаем, у Беларусі афіцыйна было зафіксавана шэсць выпадкаў заражэння каранавірусам. «Нулявы пацыент», якім з'яўляўся замежны студэнт БНТУ, акрыяў і рыхтуецца да выпіскі з лякарні. Карантынныя мерапрыемствы таксама скасоўваюцца. БНТУ, які на пачатку перайшоў на хатняе навучанне, вяртаецца да нармальнага рэжыму працы.
Кіраўнік Міністэрства аховы здароўя Уладзімір Каранік заявіў, што «ў Беларусі ёсць прывілеі ў параўнанні з суседзямі ў барацьбе з каранавірусам».
На фоне павелічэння захворванняў і смяротнасці ў свеце падобныя заявы выглядаюць як мінімум – безадказна.