Экспэрты параўналі ход рэформаў у першы год прэзідэнцтва Зяленскага і Парашэнкі

Інфаграфіка.

Пяты і шосты прэзідэнты Украіны ў першы год сваёй кадэнцыі сутыкнуліся з крызісамі, аднак Пятро Парашэнка ў пачатку свайго прэзідэнцтва больш эфектыўна працаваў над рэформамі ў краіне.

Пра гэта гаворыцца ў даследаванні незалежнай аналітычнай платформы VoxUkraine.

«У 2020 годзе сусветная пандэмія каранавіруса і карантынныя абмежаванні выклікалі медыцынскі і эканамічны крызіс. У 2014-2015 гадах крызіс ва Украіне быў лакальным, але не менш сур'ёзным: у 2014 годзе пачалося ўварванне РФ, баявыя дзеянні на ўсходзе Украіны. Страта тэрыторый і прамысловасці, засяроджанай на іх, рост вайсковых выдаткаў, якія прывялі да падзенне ВУП і высокай інфляцыі. Эканамічны крызіс прымусіў новаабраны парламент VIII склікання прыняць шмат рэфарматарскіх законаў - пачатак 2015 года быў часам найвышэйшых значэнняў Індэкса рэформаў. Пасля ўвядзення «турбарэжыму» восенню 2019 года індэкс таксама крыху вырас», - адзначаюць аналітыкі.

У даследаванні адзначаецца, што былі прааналізаваныя перыяды, калі кожны з прэзідэнтаў атрымаў «новы» парламент і Кабінет міністраў.

«У Вярхоўнай Радзе VIII склікання прапрэзідэнцкая партыя «Слуга народа» атрымала 254 мандаты. Гэтага дастаткова, каб самастойна без падтрымкі іншых палітычных сілаў прымаць законы. У 2014 годзе Блок Пятра Парашэнкі атрымаў 132 мандаты, таму для фармавання парламенцкай большасці ён стварыў кааліцыю з партыямі «Народны фронт», «Самадапамога», Радыкальная партыя Алега Ляшко і «Бацькаўшчына» - у кааліцыю ўвайшло 302 народныя дэпутаты. З часам кааліцыя пачала распадацца, як і «монабольшасць», - адзначаюць даследнікі.

Паводле падлікаў экспэртаў, Парашэнка за год паспеў уключыцца ў 97 рэформаў (між іншым ён ініцыяваў 8 законаў і выдаў 3 рэфарматарскія ўказы), а Уладзімір Зяленскі - да 84 рэформ (ініцыяваў 11 рэфарматарскіх законаў).

Ва ўсіх напрамках - кіравання, дзяржаўныя фінансы, манетарная сістэма, бізнэс-асяроддзе, энэргетыка - большы прагрэс адбыўся падчас кадэнцыі Пятра Парашэнкі, рэзюмуюць экспэрты VoxUkraine.

У сваю чаргу, экспэрты адзначаюць, што для рэформаў перш за ўсё патрэбна палітычная воля, тады ні вайна, ні каранавірус не стануць перашкодай на шляху развіцця дзяржавы.