Беларусь зноў адмовіла Кыргызстану ў экстрадыцыі былога прэм'ера краіны
7- 21.05.2020, 20:05
- 23,078
У 2018 годзе Даніяр Усенаў заявіў, што ён памёр у 2013 годзе ў Малайзіі.
Беларусь зноў адмовілася экстрадаваць у Кыргызстан былога прэм'ер-міністра рэспублікі Даніяра Усенава. Пра гэта паведаміў генеральны пракурор краіны Аткурбек Джамшытаў, паведамляе «Российская газета».
З ягоных слоў, суд у Беларусі наважыў, што экс-кіраўніка ўрада Кіргізіі пераследуюць праз палітычныя матывы.
Даніяр Усенаў у 2016-м быў прысуджаны на радзіме да пажыццёвага пазбаўлення волі паводле крымінальнай справы аб падзей 7 красавіка 2010-га, калі на цэнтральнай плошчы Бішкека загінула некалькі дзясяткаў чалавек.
Прысуд былому прэм'ер-міністру вынеслі завочна, бо да таго моманту ён пакінуў рэспубліку і збег, як мяркуюць праваахоўныя органы КР, спачатку ў Казахстан, потым у Беларусь.
Кыргызскі бок не першы раз звяртаецца з просьбай пра экстрадыцыю Даніяра Усенава, аднак увесь час атрымлівае адмову.
У 2018 годзе Усенаў заявіў, што ён памёр у 2013 годзе ў Малайзіі.