У Варшаве прайшоў Марш салідарнасці з беларусамі (Онлайн, відэа)
16- 27.06.2020, 19:27
- 50,000
(Абноўлена) У акцыі ўдзельнічалі сотні чалавек.
У Варшаве прайшоў Марш салідарнасці ў падтрымку беларускіх палітвязняў. «Белсат» вёў трансляцыю з акцыі.
Удзельнікі акцыі сабраліся а 12-й каля помніка Тадэвушу Касцюшку, потым яны накіраваліся маршам на вуліцу Маршалкоўскую, дзе сталі ў жывы ланцуг.
Спецыяльная дакладніца ААН у правах чалавека ў Беларусі Анаіс Марэн выступіла на мітынгу ў Варшаве і заклікала беларускія ўлады спыніць пераслед і палітычны ціск на грамадзянскую супольнасць.
«Пасля трагедыі 2010 года мы бачым, што ўлады вяртаюцца да рэпрэсій перад выбарамі. Мы заклікалі пакласці канец пераследам, правесці свабодныя выбары, але нас не слухалі», – сказала Анаіс Марэн.
Пратэстоўцы ў польскай сталіцы, а гэта некалькі сотняў чалавек, сталі на вуліцы Маршалкоўскай з боку Палаца культуры і навукі (PKiN) са сцягамі.
Нагадаем, што ў Беларусі з 23 чэрвеня штодня а 19-й праходзіць флэшмоб салідарнасці. Мэта акцыі – падтрымаць медыкаў, якія змагаюцца за нашыя жыцці, і герояў, якія цяпер знаходзяцца за кратамі.