Работнік БелАЗа - Лукашэнку: Саша, будзеш коней кідаць - выйдуць мужыкі з гаечнымі ключамі
43- 29.06.2020, 15:43
- 111,327
Работнік БелАЗа - пра настроі на заводзе.
Ягоныя словы прыводзіць тэлеграм-канал "Баста!".
"Жыву ў Жодзіне, працую на БелАЗе, невялікая кіроўная пасада, - піша ён. - Сёння з самай раніцы "зверху" прыйшоў неафіцыйны загад высветліць настроі людзей, стаўленне да ўладаў.
Я, зразумела, маю стасункі і з іншымі кіраўнікамі і з рабочымі, і з ІТР. Што тут высвятляць, калі і так усё вядома?
Хочаце праўду? Дык вось яна, лавіце: тут усе супраць Сашы. Усе! І ніяк гэта не паправіць, ніяк гэта не змяніць, хоць ты галаву разбі аб сценку.
Мала таго, усе ж разумеюць, чаго такія апытанні праводзяць. Не дурні. Тут таксама адказ адназначны. Саша, будзеш коней кідаць - завод стане, і выйдуць не батанікі-студэнты, а зласлівыя мужыкі з гаечнымі ключамі. Не дурэй, Саша, сыходзь па-добраму!
Мы ўсе - 97%, і, калі хто яшчэ не зразумеў, то мы вызначаем, што да чаго".
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі..