Зборшчык подпісаў за Лукашэнку ў Драгічыне ўцёк ад журналіста
42- 4.06.2020, 19:43
- 66,901
Збіраць подпісы за «Сашу 3%» стала сорамна.
Карэспандэнт сайта «Першы рэгіён» у Драгічыне не змог падпісацца за вылучэнне Аляксандра Лукашэнкі кандыдатам у прэзідэнты.
Рэдакцыя атрымала звесткі, што подпісы за Лукашэнку ў абедзенны перапынак у Драгічынскім раённым цэнтры дадатковай адукацыі дзяцей і моладзі будзе збіраць начальнік аддзела адукацыі Дзмітрый Ігнатчык.
У самім горадзе журналісты не знайшлі ніякіх пікетаў - ні за Лукашэнку, ні за яго канкурэнтаў. Таму і вырашылі пайсці на пункт збору подпісаў.
Журналіст паспрабаваў даведацца ў чыноўніка, якім чынам той трапіў у ініцыятыўную групу Лукашэнкі і ці прымушаюць педагогаў падпісвацца за вылучэнне кіраўніка дзяржавы. Ігнатчык ухіляўся ад размовы, а ўрэшце пакінуў паперы на стале, а сам уцёк у суседні кабінет з шыльдай «Драматычны гурток».