У Хабараўску прайшлі адразу тры стыхійныя мітынгі

Тысячы чалавек удзельнічалі ў начным шэсці па горадзе.

У Хабараўску ў нядзелю прайшлі адразу тры стыхійныя мітынгі ў падтрымку губернатара Сяргея Фургала, арыштаванага ў чацвер праз падазрэнне ў арганізацыі забойстваў, паведамляе ВВС.

Дакладная колькасць акцый невядомая, на дзённыя, паводле ацэнак СМІ, збіраліся некалькі сотняў чалавек, на вячэрнія шэсці, паводле версіі ўдзельнікаў, выйшлі некалькі тысяч чалавек.

Акцыя пратэсту прайшла таксама ў Камсамольску-на-Амуры.

За дзень да гэтага ў мітынгу з патрабаваннем вызваліць губернатара, паводле розных ацэнак, узялі ўдзел да 60 тысяч чалавек.