Еўракамісар Олівер Вархеі: Санкцыі супраць рэжыму Лукашэнкі рыхтуюцца поўным ходам

Названая дата, калі пастанова пра санкцыі ЕЗ набудзе канчатковы варыянт.

Еўракамісар Еўразвязу ў пытаннях суседства і пашырэння Олівер Вархеі даў эксклюзіўнае інтэрв'ю «Радыё Свабода» адразу пасля пасяджэння кіраўнікоў МЗС краінаў ЕЗ.

Сярод іншага еўракамісар падкрэсліў, што:

Пастанова пра санкцыі Еўразвязу супраць рэжыму ў Менску, магчыма, набудзе канчатковы варыянт на нефармальнай сустрэчы кіраўнікоў МЗС краінаў ЕЗ 27–28 жніўня ў Берліне.

Еўракамісія створыць фонд для ахвяраў рэпрэсій.

Еўразвяз прышле ў Беларусь азнаямленчую місію, якая вывучыць сітуацыю на месцы. З вялікай верагоднасцю выбары трэба будзе правесці паўторна.

Функцыянеры Еўразвязу падтрымліваюць сталы кантакт з беларускім МЗС.