Якім будзе надвор'е на пачатку тыдня

Прагноз сіноптыкаў.

Да 29 градусаў цяпла і ў асноўным без ападкаў будзе ў Беларусі 3 жніўня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У панядзелак чакаецца пераменная воблачнасць, будзе пераважна без ападкаў. Вецер прагназуецца паўднёвы, уначы слабы, удзень сярэдні.

Тэмпература паветра ўначы складзе 8-14 градусаў вышэй за нуль, месцамі - плюс 6-7. Удзень будзе 23-29 градусаў цяпла.