Удзельнік Маршу адзінства: Па адчуваннях, зноў выйшаў увесь Менск

Мянчук распавёў пра ўражанні пасля сённяшняй акцыі.

Мы не адступім. Кожны такі дзень, кожны выхад на вуліцы - гэта ўдар па сістэме, дыхтоўная такая рана на целе таракана.

«Не ведаю, колькі нас сёння было, - піша ўдзельнік Марша адзінства ў тэлеграм-канале «Баста!». - Але па адчуваннях, зноў выйшаў увесь Менск.

Дух гэтага самага адзінства проста прымнажае колькасць людзей на вуліцах, і здавалася, што нашым легіёнам няма канца.

Дарэчы, «касманаўты» гэта таксама адчулі, таму напэўна і пачалася істэрыка, маханне кулакамі ўжо «пасля бойкі», бегаючы за тымі, хто ішоў адзін.

Падвяду вынік, асабіста ад сябе: мы не адступім. Кожны такі дзень, кожны выхад на вуліцы - гэта ўдар па сістэме, дыхтоўная такая рана на целе таракана.

Хоць тараканы і жывучыя, але нават яны не ў сілах вечна жыць у страху.

А ён баіцца. Дакладна».