На Сахаліне трэцякласнікі выйшлі на пікеты
5- 8.09.2020, 20:48
- 26,422
Школьнікі выйшлі на пікеты праз агрэсіўнага аднакласніка.
У Паўднёва-Сахалінску паліцэйскія апыталі трэцякласнікаў школы №21 праз пікет, на якім тыя запатрабавалі перавесці агрэсіўнага аднакласніка на хатняе навучанне. Пра гэта паведаміў Sakhalin.info са спасылкай на бацькоў.
3 верасня перад урокамі школьнікі разам з бацькамі зладзілі пікет каля школы. Яны выйшлі з плакатамі: «Мне страшна хадзіць у школу», «Я таксама маю права спакойна вучыцца», «Не хачу глядзець, як душаць і б'юць маіх аднакласнікаў».
Незадаволенасць выклікаў вучань па імені Вася, які больш за год задзірае дзяцей: «Хлопчык дэманструе дзецям і дарослым свае палавыя органы, мочыцца ў класе, у тым ліку на сшыткі, мацюкаецца, вучыць аднакласнікаў шукаць у інтэрнэце порна-сайты, б'е дзяцей і настаўнікаў, кідаецца камянямі і брудам, хапае і раскідвае чужыя рэчы, пастаянна зрывае ўрокі», - піша Sakhalin.info. Яго ўжо перавялі на хатняе навучанне.
Пасля акцыі ў школу №21 прыйшла паліцыя. «Дапытваюць дзяцей у школе і бяруць паказанні ў бацькоў. Дзяцей апытваюць без прысутнасці бацькоў. Нашага настаўніка выклікаюць да дырэктара, на гэты час прыходзіць настаўнік на замену, і паліцыя выклікае дзіця з урокаў», - распавяла выданню маці аднаго з дзяцей. Паводле звестак Sakhalin.info, апытанні праводзяць у прысутнасці сацыяльнага педагога, каб не парушаць рэгламент.