У цэнтры Тбілісі дзясяткі тысяч пратэстоўцаў запатрабавалі вызвалення Міхаіла Саакашвілі

На плошчы зачыталі пасланне экс-прэзідэнта Грузіі.

Амаль 50 тысяч чалавек сабраліся сёння на плошчы ў цэнтры Тбілісі на акцыю з патрабаваннем вызвалення экс-прэзідэнта Грузіі Міхаіла Саакашвілі, піша «Новости Грузия».

Некалькі дзясяткаў тысяч чалавек прыехалі на акцыю з рэгіёнаў, амаль столькі ж на плошчы і жыхароў сталіцы.

Акцыя пачалася з таго, што гендырэктар апазіцыйнага канала «Мтавари» і адзін з адвакатаў Саакашвілі Ніка Мелія прачытаў яго пасланне. Саакашвілі заклікаў грамадскасць краіны да прымірэння і аб'яднання. Ён таксама заклікаў прыхільнікаў апазіцыі 30 кастрычніка прагаласаваць за кандыдатаў ад «Нацыянальнага руху», якія паводле вынікаў галасавання 1 кастрычніка на мясцовых выбарах выйшлі ў другія туры практычна ва ўсіх буйных гарадах Грузіі.

Саакашвілі быў затрыманы ў Тбілісі 1 кастрычніка і з тых часоў адбывае пакаранне ў рустаўскай турме N12. За апошнія восем гадоў - за час сваёй адсутнасці ў Грузіі, Саакашвілі быў двойчы завочна асуджаны і прысуджаны да шасці гадоў зняволення за службовыя злачынствы. Таму ўлады Грузіі не спяшаюцца выстаўляць Саакашвілі абвінавачванні ў незаконным перасячэнні мяжы - мяркуецца, што менавіта так ён трапіў у Грузію перад выбарамі.