За дзень ЕЗ развярнуў 720 нелегалаў, якія штурмавалі мяжу з тэрыторыі Беларусі
4- 26.10.2021, 12:34
- 7,270
Ёсць і затрыманыя.
Учора краіны Еўрапейскага звязу не ўпусцілі на сваю тэрыторыю 720 мігрантаў, якія мелі намер незаконна перасячы мяжу з боку Беларусі.
Памежная служба Польшчы ў Twitter паведаміла, што 25 кастрычніка было зафіксавана 582 спробы незаконнага перасячэння мяжы з беларускай тэрыторыі. Затрыманы дзевяць нелегальных мігрантаў: чатыры грамадзяніны Таджыкістана, чатыры — Самалі і грамадзянін Ірака. З пачатку кастрычніка задакументавана амаль 14 тысяч спроб нелегальнага пераходу праз беларуска-польскую мяжу.
Служба аховы дзяржаўнай мяжы Літвы (САДМ) паведаміла, што ўчора ў краіну не ўпусцілі 120 мігрантаў з боку Беларусі. Колькасць нелегалаў, якія паспрабавалі перасячы беларуска-літоўскую мяжу за месяц, вырасла амаль удвая - з 981 у верасні да 1 739 за мінулы перыяд кастрычніка.