У Гомелі большая частка грамадскага транспарту не выехала на лініі

У жыхароў горада з'явілася легальная нагода не выходзіць на працу.

Сёння, у першы дзень агульнанацыянальнага страйку, тэлеграм-каналу паступіла інфармацыя аб тым, што ў Гомелі ў адным з тралейбусных дэпо выведзена са строю мноства тэхнікі.

«Прабітыя колы. Таксама жыхары Гомеля пацвярджаюць аб перабоях у графіку працы грамадскага транспарту», - паведамляе тэлеграм-канал «Беларускага аб'яднання рабочых» (БАР).

«У Гомелі ў адным з тралейбусных дэпо часова выведзена са строю большасць транспарту. Паведамляюць, што папрабавалі колы», - паведамляе тэлеграм-канал «Баста!».

«Увага гомельцы! Сёння ў адным з тралейбусных паркаў была часова выведзена са строю большая частка транспарту. У сувязі з гэтым магчымыя перабоі з грамадскім транспартам. Гэта не жарт, інфармацыя паступіла ад транспартнікаў.

У вас ёсць легальная магчымасць спазніцца на працу ў сувязі з перабоямі ў раскладзе!», - паведамілі ў чаце «Незалежнага прафзвязу Гомеля».

Таксама стала вядома, што сёння раніцай на «Мінскім аўтамабільным заводзе» і «кавальскім заводзе цяжкіх штамповак» у Жодзіне спыніліся некаторыя цэхі.