Стала вядома, хто ў Крамлі найперш зазнае страты ад новых санкцый ЗША і ЕЗ

Інфармацыяй падзяліліся крыніцы выдання «Коммерсант».

У сувязі з увядзеннем ЗША і Еўразвязам новых санкцый супраць Расеі найперш могуць узнікнуць праблемы ў генеральнага пракурора Ігара Краснова. Пра гэта піша «Коммерсант» са спасылкай на крыніцы.

З іх звестак, праз займаную пасаду генеральны пракурор перыядычна сустракаецца з замежнымі калегамі за мяжой, што цяпер будзе немагчыма праз забарону на ўезд у ЕЗ.

Выданне адзначае, што гэта можа ўскладніць працу ўсяго ведамства, абмен інфармацыяй у крымінальных справах. Пры гэтым «Коммерсант» падкрэслівае, што гэта не значыць, што еўрапейскія краіны адмовяцца выдаваць Расеі абвінавачаных і падазраваных. Акрамя таго, звычайна дакументы за мяжу падпісвае не сам генеральны пракурор, а ягоны намеснік, які курыруе галоўнае міжнародную-прававую ўправу.

Газета таксама нагадвае, што старшыня СК Аляксандр Бастрыкін з 2017 года знаходзіцца пад санкцыямі і не можа ўязджаць у ЗША і Вялікабрытанію, аднак ён выязджаў у выправы за мяжу і ўдзельнічаў у афіцыйных мерапрыемствах міжнародных праваахоўных структур, Інтэрпола і Генасамблеі міжнароднай паліцэйскай арганізацыі.

Аб увядзеннi санкцый ЕЗ і ЗША стала вядома напярэдадні. ЗША ўвялі санкцыі супраць сямі службовых асоб Расеі, а таксама - супраць 14 арганізацый з Расеі, Нямеччыны і Швайцарыі за вытворчасць біялагічнай і хімічнай зброі. Акрамя таго, ЗША заявілі аб спыненні надання дапамогі Расеі, за выключэннем тэрміновай гуманітарнай дапамогі. У спіс ЕЗ трапілі генпракурор Красноў, кіраўнік СК Бастрыкін, кіраўнік ФСВП Калашнікаў і кіраўнік Расгвардыі Золатаў.