19 красавiка 2021, панядзелак, 16:31
Сім сім, Хартыя 97!
Рубрыкі

«Коммерсантъ»: У Беларусі ідзе барацьба за ўладу, становішча Лукашэнкі вельмі складанае

10
«Коммерсантъ»: У Беларусі ідзе барацьба за ўладу, становішча Лукашэнкі вельмі складанае
ФОТА: ТАСС

Узурпатар апынуўся заціснуты паміж уласнымі пратэстамі і адзіным не вельмі прыязным «хаўруснікам».

Палітычны аглядальнік «Коммерсанта FM» Дзмітрый Дрызэ ўважае становішча Аляксандра Лукашэнкі за вельмі складанае.

Аляксандр Лукашэнка праз тыдзень раскрыў дэталі сваіх перамоваў з Уладзімірам Пуціным у Сочы. Для пачатку беларускі дыктатар назваў «выдумкамі» на 70% усё тое, што было сказана на гэты рахунак да сённяшняга дня. У сувязі з гэтым непазбежна ўзнікае пытанне: навошта тады патрэбная была гэтая паўза? Чаму б тады адразу не праінфармаваць грамадскасць, каб спыніць пагалоскі? Адказ напраўду зразумелы: няпроста усё ў дачыненнях дзвюх краін, ды і не толькі ў іх адных.

Як бы там ні было, са шматлікіх мудрагелістых фраз можна выдзеліць адразу некалькі важных тэзісаў. Першае: ніякага зліцця Расеі і Беларусі не будзе, прынамсі, найбліжэйшым часам. Другое: прэзідэнцкія выбары пройдуць ужо налета. Гэта значыць, тэарэтычна ягоны сыход ад улады не за гарамі. І трэцяе: магчымы ўдзел «Газпрама» ў мадэрнізацыі «Гродна Азоту». Гэта значыць, што Лукашэнка гатовы пачаць вялікі торг за прыватызацыю. Ёсць версія, што Расея больш не мае намеру фінансаваць беларускую эканоміку проста так. Хаўруснік просіць наўзамен актывы. Што гэта значыць, зразумець не цяжка - тое ж паглынанне, толькі завецца прыгожым словам «прыватызацыя».

Гэта вельмі непрыемна. Лукашэнка апынуўся заціснуты паміж уласнымі пратэстамі і адзіным не вельмі прыязным хаўруснікам, які так і наровіць цябе далучыць або паглынуць. Нават не зразумела, што горш - першае ці другое. Аляксандр Рыгоравіч традыцыйна спрабуе змякчыць удар, лавіруе. Вось і пра вайсковую базу ўспомніў, якую абяцаў ледзь не 10 гадоў таму.

Аднак далей пачынаецца самае цікавае. На гэтым фоне ў так званай афіцыйнай Беларусі - у элітах - відавочна пачалася барацьба за ўладу. Вядома, сцвярджаць тут нічога нельга, але гэта заўважна з ускосных прыкмет. Напрыклад, дыктатар адправіў у няміласць уласнага сына - Віктар Лукашэнка звольнены з пасады памочніка прэзідэнта, праўда, з прысваеннем звання генерал-маёра запасу. Як кажуць у народзе, адпраўлены з вачэй далоў.

Гісторыя класічная для такіх рэжымаў.

Старэйшы сын - гэта не сваяк. Гэта, з аднаго боку, спадчыннік, а з другога, чалавек, неаддзельны ад прозвішча. Цалкам магчыма, што Віктар Аляксандравіч зусім не ў захапленні ад перспектывы адказваць за грахі бацькі. І, як гэта прынята, вакол такіх фігур канцэнтруюцца інтрыган-царадворца. Чуткі пра раскол у кіроўнай сям'і ходзяць даўно.

Тым часам на двары ўжо вясна, і вялікая беларуская інтрыга вяртаецца.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».