Аляксей Навальны: Два пачуцці бушуюць ува мне - гонар і надзея

Расейскі апазіцыянер пракаментаваў акцыі ў сваю падтрымку.

Расейскі апазіцыянер Аляксей Навальны, каментуючы акцыі ў сваю падтрымку, заявіў, што ён адчувае гонар і надзею.

Пра гэта ён напісаў у Instagram.

«Адвакат, які прыехаў, распавёў мне трохі аб тым, што адбывалася ўчора і - шчыра скажу - два пачуцці бушуюць ува мне: гонар і надзея. Гонар за тое, што я частка вось гэтага вялікага і прыгожага. Адзін з вас, сумленных людзей, хто не маўчыць, гледзячы на несправядлівасць і беззаконне», - напісаў ён.

Са слоў Навальнага, баяцца цяпер - гэта страчваць, прадаваць і растрачваць сваю ўласную будучыню.

«Вы ішлі ўчора са мной, ну а я сёння буду ляжаць на шконцы і ўяўляць, як іду з вамі і за вас», - напісаў ён.

У сераду, 21 красавіка, па ўсёй Расеі прайшлі акцыі ў падтрымку Навальнага.

Паводле звестак праваахоўнікаў, затрымана больш за 1000 пратэстоўцаў.

У гэты ж дзень прэзідэнт Расеі Уладзімір Пуцін выступіў з пасланнем да Федэральнага сходу.