24 лiпеня 2021, Субота, 7:47
Сім сім, Хартыя 97!
Рубрыкі

Калеснікавай выставілі канчатковае абвінавачанне

21
Калеснікавай выставілі канчатковае абвінавачанне
МАРЫЯ КАЛЕСНІКАВА
ФОТА: TUT.BY

Крымінальную справу Марыі аб'яднана са справай юрыста Максіма Знака.

Чальцу штаба Віктара Бабарыкі, чальцу прэзідыума Каардынацыйнай рады Марыі Калеснікавай выстаўленае канчатковае абвінавачанне. Яе абвінавачваюць паводле трох крымінальных артыкулаў. Крымінальная справа Калеснікавай аб'яднаная са справай юрыста Максіма Знака ў адну, паведамляе «МогилевОнлайн».

Нагадаем, учора стала вядома аб тым, што Знаку таксама выстаўленае абвінавачванне. Цяпер з матэрыяламі сваёй справы пачала знаёміцца і Калеснікава.

У запісе Марыі Калеснікавай у Фэйсбуку з'явіўся публічны зварот.

- 12 траўня, год назад я прыняла самую важную пастанову ў маім жыцці. Разумеючы ўсе рызыкі і высокую імавернасць, што я апынуся там, дзе я цяпер - я з радасцю стала часткай каманды Віктара Дзмітрыевіча. Ні на секунду не шкадую пра сваю пастанову і цяпер, - піша ў ім Калеснікава. Вядома, што старонку пасля таго, як яна апынулася ў турме, вядзе яе сястра.

Са слоў адваката Максіма Знака Дзмітрыя Лаеўскага, ён не можа выдаваць якія-небудзь звесткі аб ходзе следства і нават прозвішчы следчых. Ён адзначае, што абвінавачванне Знака «складаецца з абстрактных фармулёвак, з якіх абсалютна незразумела, у чым менавіта палягаюць дзеянні Знака, расцэненыя следствам як злачынства».

Нагадаем, 7 верасня 2020 года Марыя Калеснікава прапала - невядомыя схапілі яе ў цэнтры Менска. На наступны дзень стала вядома, што яе разам з Антонам Радненковым і Іванам Краўцовым, якія ўваходзяць у асноўны склад Каардынацыйнай рады, спрабавалі сілком вывезці ва Украіну беларускія спецслужбы. Аднак Калеснікава зрабіць гэтага не дала: у памежнай зоне яна парвала беларускі пашпарт і накіравалася пешшу ў Беларусь, дзе і была затрыманая.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».