Кіраўнік САЗ зрабіў прагноз на другі год пандэміі каранавіруса
2- 14.05.2021, 21:20
- 5,664
Тэдрас Гебраесус заклікаў багатыя краіны ахвяраваць прышчэпкі ад Covid-19 праграме COVAX для больш бедных краін.
У пятніцу, 14 траўня, кіраўнік Сусветнай арганізацыі здароўя (САЗ) Тэдрас Адханам Гебраесус сказаў, што другі год пандэміі будзе больш смяротным, чым першы, і Індыя выклікае велізарную заклапочанасць. Пра гэта паведамляе The Guardian (пераклад - «Апостроф»).
У пятніцу САЗ таксама заклікала багатыя краіны перагледзець планы вакцынацыі дзяцей і замест гэтага ахвяраваць прышчэпкі ад Covid-19 праграме COVAX для больш бедных краін.
На віртуальнай сустрэчы ў Жэневе Тэдрас сказаў: «Я разумею, чаму некаторыя краіны хочуць вакцынаваць сваіх дзяцей і падлеткаў, але проста цяпер я заклікаю іх перагледзець сваё рашэнне і замест гэтага здаць вакцыны COVAX».