Сістэма СРА Ізраіля «Жалезны купал» перахапляе палестынскія ракеты: стоп-кадр

Адна батарэя гэтай сістэмы можа абараняць тэрыторыю да 150 квадратных кіламетраў.

Ізраільская сістэма супрацьракетнай абароны «Жалезны купал» у небе над Ашкелонам перахапляе палестынскія ракеты, запушчаныя з сектара Газа. Стоп-кадр апублікавала выданне nv.ua.

Ізраіль і Палестына перажываюць найбольшае за апошнія гады абвастрэнне вайсковага канфлікту. Яго прычынай паслужылі сутыкненні ва Усходнім Ерусаліме, што доўжыліся ля тыдня паміж ізраільскай паліцыяй і палестынскімі дэманстрантамі. Апошнія пратэставалі супраць пастанановы ізраільскага суда аб прымусовым высяленні дзясяткаў палестынскіх сем'яў з іх дамоў у раёне Храмавай гары ў Ерусаліме.

У выніку 10 траўня групоўка ХАМАС, якая кантралюе сектар Газа, жадаючы пераламаць сітуацыю на карысць палестынцаў, пачала ракетныя абстрэлы тэрыторыі Ізраіля. Атакаі зазналі Тэль-Авіў, Беэр-Шэва, Ашкелон, Халон і міжнародны аэрапорт Бэн-Гурыён. Прычым аэрапорт нават часова прыпыніў працу.

У адказ ізраільскае войска нанесла масаваныя ракетныя і авіяўдары па больш як 500 аб'ектах, размешчаных на тэрыторыі сектара Газа. Ёсць загінулыя.

З заяў Тэль-Авіва, за тры дні канфлікту ў бок Ізраіля з сектара Газа выпушчана больш за 1 000 ракет. Большасць з іх не дасягнулі цэляў дзякуючы выкарыстанню ізраільскім войскам сістэмы супрацьракетнай абароны «Жалезны купал».

Гэтую сістэму, прызначаную для перахопу і знішчэння некіравальных тактычных ракет, ізраільскае войска выкарыстоўвае ўжо 10 гадоў. На заяву распрацоўнікаў, адна батарэя гэтай сістэмы, у якую ўваходзіць шматмэтавая радыёлакацыйная станцыя, цэнтр кіравання агнём і тры пускавыя ўстаноўкі, можа абараняць тэрыторыю да 150 кв. км. А яе кошт складае не менш як $50 млн.

У Войску абароны Ізраіля заяўляюць, што Жалезны купал здольны перахапіць да 90% ракет супраціўніка, выпушчаных у напрамку жылых раёнаў. Такую высокую эфектыўнасць вайсковыя аналітыкі тлумачаць тым, што баевікі Хамаса звычайна выкарыстоўваюць найбольш прымітыўныя тыпы ракетнай зброі, якія не прапануюць складаных манеўраў па траекторыі і не ўхіляюцца ад перахопу.

Тым не менш ў 2021 годзе Жалезны купал прайшоў мадэрнізацыю і зараз здольны абараніць насельніцтва не толькі ад некіравальных ракет, але і ад беспілотных лятальных апаратаў, якія апошнім часам усё часцей выкарыстоўваюцца супраць Ізраіля.