Колькі каштуюць лецішчы пад Менскам з вялікімі ўчасткамі і лазнямі

Журналісты знайшлі некалькі лецішчаў з плошчай участка больш за 20 сотак.

Камусьці для лецішча досыць некалькіх сотак, каб і садовы домік пабудаваць, і агарод разбіць, і газон засеяць. А камусьці патрэбны сапраўдны прастор. Для тых, хто марыць пра сваё поле або парк, tut.by знайшоў некалькі варыянтаў з плошчай участка больш за 20 сотак.

63,8 соткі ў в. Касынь

Лецішча знаходзіцца ў вёсцы Касынь Менскага раёна, Мядзельскі кірунак, усяго за 11,5 км ад МКАД. Участак - у прыватнай уласнасці. Тут высаджана шмат дрэў і кустоў, таксама стаяць дом, падмурак пад яшчэ адзін (10 × 12 м), цагляная лазня, гараж, хлеў.

Дом драўляны, з шыферным дахам. Агульная плошча - 78,4 «квадратаў». З камунікацый ёсць электрычнасць і халодная вада. Ацяпленне - пячное, туалет - на вуліцы.

За ўсё гэта просяць 53 тысячы даляраў.

25 сотак у в. Кодзеўцы

Лецішча знаходзіцца ў вёсцы Кодзеўцы Маладзечанскага раёна, ад МКАД гэта 36,3 км. На вялікім участку высаджаны сад, ёсць дом, гараж і хлеў.

Дом - блочны, дах - шыферны. Агульная плошча - 119 кв. м. Электрычнасць і вада (халодная і гарачая) ёсць. Ацяпленне - пячное, каналізацыя - мясцовая (туалет у хаце).

Дача выстаўленая за 25 тысяч даляраў.

24 соткі ў в. Баяры

Лецішча знаходзіцца ў вёсцы Баяры Маладзечанскага раёна, за 49 км ад МКАД. Участак - у прыватнай уласнасці. Зямля выкарыстоўваецца для вырошчвання пладовых і агароднінных культур.

Дом - зборна-шчытавы, абабіты сайдынгам. Дах - шыфер. Агульная плошча пабудовы - 52 кв. м. Электрычнасць ёсць, вада - з калодзежа, туалет - на вуліцы, ацяпленне паравое на цвёрдым паліве.

Дача выстаўленая за 14 500 даляраў.

22,08 соткі ў в. Дзешчанка

Лецішча знаходзіцца ў вёсцы Дзешчанка Уздзенскага раёна, за 28,7 км ад МКАД. На ўчастку пабудаваны дом, лазня, гаспадарчыя пабудовы, сад. Тут жа парнікі на 300 кв. м з паравым ацяпленнем (!).

Дом - драўляны, абкладзены цэглай. Дах - з шыферу. Агульная плошча - 89 кв. м. Інжынерныя камунікацыі: электрычнасць, газ, цэнтральная каналізацыя, тэлефон.

Лецішча каштуе 45 тысяч даляраў.

21 сотка ў СТ «Надзея»

Лецішча знаходзіцца ў садовым таварыстве «Надзея» Лагойскага раёна за 25 км ад МКАД. Як выкарыстоўваецца ўчастак, у абвестцы не гаворыцца. Але вядома, што побач ёсць лес - гэта відаць на фота.

Дом - каркасны, пабудаваны ў 2019 годзе. Агульная плошча - 22,9 кв. м. Электрычнасць ёсць, вада - са свідравіны, каналізацыя - мясцовая, ацяпленне - электраканвектары.

Прадаюць лецішча за 19 900 даляраў.