Шакавальнае відэа смерці актывіста Вітольда Ашурка ў беларускай калоніі

Цела памерлага ў шклоўскай калоніі палітвязня толькі сёння аддалі сваякам.

25 траўня сваякі Вітольда Ашурка атрымалі пасведчанне аб смерці.

У дакуменце гаворыцца, што непасрэдная прычына смерці высвятляецца. Код R99 па Міжнароднай класіфікацыі хвароб 43уу азначае «Іншыя недакладныя і неўпаўнаважаныя прычыны смерці».

Сёння цела загінулага было перададзенае брату Вітольда Ашурка Андрэю ў Шклове. Сяброўка сям'і Вольга Быкаўская распавяла «Белсату», што ў Вітольда «забінтаваная галава ад верхавіны да носа, бачны толькі рот».

У Шклове цела Ашурка пераапранулі ў касцюм і адразу змясцілі ў труну, якую прывезлі з сабой сваякі. Акрамя забінтаванай галавы, у Вітольда падрапаныя рукі, адзначае «Радыё Свабода».

Следчы камітэт апублікаваў у Інтэрнэце змантаванае відэа са Шклоўскай калоніі №17, на якім бачна, як мужчына двойчы падае. На ім роба з надпісам «ШІЗА», што расшыфроўваецца як штрафны ізалятар. Пасля першага падзення каля туалета яму аказалі медыцынскую дапамогу. Пасля другога выпадку супрацоўнікі калоніі прыбеглі ў камеру ізалятара.

21 траўня ў калоніі нечакана памёр палітвязень Вітольд Ашурак. Родным сказалі, што ў яго спынілася сэрца. Жонка Вітольда Ашурка паведаміла журналістам, што ў яе мужа ніколі раней не было праблем з сэрцам.

Пахаванне Ашурка адбудецца ў Бярозаўцы ў сераду, 26 траўня. З 9 гадзін раніцы можна будзе развітацца з памерлым у будынку Дома быту (вуліца Наваградская, 8). А 14 чысла адбудзецца імша ў Бярозаўскім касцёле. Пасля яе Вітольд Ашурак будзе пахаваны на гарадскіх могілках.