Еўразвяз не будзе абнаўляць кантракт на пастаўкі вакцыны AstraZeneca
- 9.05.2021, 16:10
- 2,876
Брусэль запусціў судовы пазоў супраць кампаніі за невыкананне кантракту.
Еўракамісія пастанавіла не абнаўляць кантракт на пастаўкі вакцыны ад каранавіруса кампаніі AstraZeneca на другое паўгоддзе 2021 года. Пра гэта паведаміла ў нядзелю агенцтва Reuters са спасылкай на еўракамісара ў пытаннях унутранага рынку Т’еры Брэтана.
Еўракамісія «не абнавіла заказ вакцын AstraZeneca пасля чэрвеня 2021 года», - піша агенцтва.
Еўракамісія запусціла ў красавіку судовы пазоў супраць гэтай кампаніі за невыкананне кантракту на папярэдні заказ вакцыны. У першым квартале замест прадугледжаных паводле кантракта 120 млн доз кампанія паставіла толькі блізу 40 млн. Гэта прывяло да зрыву тэрмінаў кампаніі вакцынацыі ў шэрагу краін ЕЗ у першыя месяцы гэтага года.