Рабочыя «Гродна Азота»: паслугачы лукашызму баяцца згуртаванасці

Не аддавайце сваіх напарнікаў, майстроў або начальнікаў.

На прадпрыемстве вядзецца кадравая зачыстка, піша Telegram-канал "Гродна Азот". Прыбяруць усіх - баязлівых і пераабутых "ябацек" (дзе гарантыя, што ізноў не пераабуюцца?) і вядома ўсіх, хто не паддаецца "ідэалагічнаму выхаванню". Як гэта робяць без лішняга шуму?

Сістэма вельмі простая - прыйшоў час працягваць кантракт, а яго (кантракт), без якіх-небудзь тлумачэнняў проста не падаўжаюць. Ніхто не глядзіць на вашыя заслугі, стаж, досвед і веды, прыбіраюць згодна са спісамі.

З боку "Страйкаму Азота" хочам адзначыць, што ў Рэспубліцы Беларусь у страйк прымушае выходзіць адзін грамадзянін, які са сваёй бандай незаконна ўтрымлівае ўладу! Не варта пераводзіць стрэлкі і шукаць крайніх, звяртайцеся асабіста да яго!

Хацелася б звярнуцца да калег, аднойчы мы пра сябе заявілі, затым была спроба зрабіць усё паводле закону. Не аддавайце сваіх напарнікаў, майстроў або начальнікаў на зжыранне. Наступным можа стаць кожны з Вас!

Як і ўсе прыслужнікі лукашызму, яны баяцца простай людской згуртаванасці! Іх задача раскідаць калектыў, паступова на завод прыбываюць стаўленікі новага дырэктара, далей адбудзецца "распілоўванне" нашага з вамі гераічнага (ці не - выбіраць Вам) ААТ "Гродна Азот"