Фота дня: Актывістка «Еўрапейскай Беларусі» ў судзе трымае плакат «Самазванец, убывай!»
23- 9.06.2021, 22:29
- 29,810
Узрушаючая смеласць Паліны Шарэнды-Панасюк.
Сёння лукашэнкаўскі суд незаконна асудзіў актывістку «Еўрапейскай Беларусі» Паліну Шарэнду-Панасюк на два гады калоніі.
Пасля таго, як так званы суд абвясціў прысуд, яна дастала плакат «Самазванец, убывай».
Фота з суду апублікаваў «Белсат».
Актывістка з Берасця вядомая сваёй цвёрдай і непрымірымай пазіцыяй у дачыненні рэжыму Лукашэнкі. Падчас «парламенцкіх выбараў» у 2019 годзе, у якіх яна ўзяла ўдзел, актывістка «Еўрапейскай Беларусі» заявіла на тэлевізіі, што Лукашэнка - дыктатар, а таксама заклікала да яго адстаўкі.
Паліна Шарэнда-Панасюк - рэпетытарка польскай мовы, разам з мужам, актывістам «Еўрапейскай Беларусі» Андрэем Шарэндам, выхоўвае двух непаўналетніх дзяцей.
Гістарычную прамову актывісткі «Еўрапейскай Беларусі» вы можаце прачытаць па спасылцы.