Жыхарам Нью Ёрка будуць плаціць па $ 100 за прышчэпку ад COVID-19

Раней усім вакцынаваным раздавалі латарэйныя квіткі.

Улады Нью Ёрка пачнуць плаціць жыхарам места за прышчэпкі ад каранавіруса. Пра гэта заявіў мэр Біл Дэ Блазіё, паведамляе «Медуза».

Кожнаму, хто зробіць першую ін’екцыю, пачынаючы з 30 ліпеня, мэрыя заплаціць па 100 даляраў. Каб атрымаць грошы, жыхарам горада трэба будзе перад прышчэпкай зарэгістравацца на адмысловым сайце.

Раней улады Нью Ёрка раздавалі ўсім вакцынаваным латарэйныя білеты з галоўным прызам пяць мільёнаў даляраў.