Палітвязню Сцяпану Латыпаву стала дрэнна ў судзе

У яго галавакружэнне, раніцай быў зафіксаваны высокі ціск.

Сёння раніцай працягнулася судовае пасяджэнне паводле крымінальнай справы супраць Сцяпана Латыпава, піша «Новы час».

Латыпаў пачуваецца дрэнна, папрасіў абвясціць перапынак для надання медыцынскай дапамогі. Суддзя сказала, што застаўся апошні сведка, і Латыпаў пагадзіўся патрываць.

У Латыпава галавакружэнне, сёння раніцай быў зафіксаваны высокі ціск. Пасля допыту сведак лекар зрабіў ін’екцыю, але лепш не стала. Латыпаву будуць выклікаць хуткую.