Літоўскі палкоўнік: Мігранты ідуць праз мяжу з Беларуссю і ўдзень, і ўначы

Мігранты пацвярджаюць, што нелегальнае перасячэнне мяжы - арганізаваная дзейнасць беларускага рэжыму.

У Літве 9 ліпеня сябра парламенцкага Камітэта нацыянальнай бяспекі і абароны наведалі Друскеніцкую заставу, каб ацаніць сітуацыю, якая склалася. Дэпутатка Давіле Шакалене сказала, што некаторыя мігранты скардзяцца на ўмовы ўтрымання. Аднак галоўнае - іх апавяданні і сведчанні. Са слоў дэпутата, мігранты пацвярджаюць, што нелегальная міграцыя - арганізаваная дзейнасць, піша delfi.lt.

«Яны кажуць, што з іх бяруць грошы, затым прывозяць, забіраюць дакументы, высаджваюць ля мяжы і паказваюць кірунак - ідзі туды», - сказала Шакалене.

З яе слоў, гэтыя апавяданні паказваюць, што ўсе дзеянні арганізаваныя.

«Гэтых людзей падманваюць, выкарыстоўваюць, беларускі рэжым бярэ з іх грошы, за візы і іншае - экскурсія з магчымасцю патрапіць у ЕЗ», - сказала дэпутатка.

Са слоў палітыка, удалося высветліць, што людзі бягуць з двух прычын: праз галечу і гвалт. Сярод мігрантаў ёсць і цяжарныя жанчыны.

«Мы пакуль не ведаем, колькі цяжарных, але некаторым хутка нараджаць», - заўважыла Шакалене.

Палкоўнік САДМ (Службы аховы дзяржаўнай мяжы) Літвы Відас Мачайціс сказаў, што ў Друскінінкай больш за ўсё мігрантаў з афрыканскіх краін і Ірака.

«Іх 50. Яшчэ дваіх сёння затрымалі, значыць, будзе 52. У асноўным гэта маладзёны мужчыны - дзяцей сюды прывезлі на тэставанне, потым іх павязуць у іншае месца. (...) Гэтыя людзі ўсю праўду не гавораць», - прызнаўся Мачайціс.

З яго слоў, некаторыя мігранты - былыя студэнты беларускіх ВНУ, а іракцы прыехалі па турыстычных візах.

«Яны кажуць, што бягуць ад рэжыму. Тыя, хто з Малі - ад вайны, іракцы - таксама праз войны. Яны выдумалі гісторыі і кажуць прыкладна адно і тое ж», - сказаў палкоўнік.

З яго слоў, у пятніцу пачалі ўсталёўваць бар'ер з калючага дроту, ён расцягнецца на 510 км.

«Паколькі ёсць вадаёмы, рэгіянальныя і нацыянальныя паркі - не ўсюды можна ўсталяваць такі бар'ер. Я думаю, на ўстаноўку хопіць двух месяцаў. Усталююць з дапамогай арміі», - адзначыў Мачайціс.

З яго слоў, некалькі мігрантаў выказалі жаданне вярнуцца на радзіму, іх заяўкі разглядаюць.

«Але гэта, хутчэй, выключэнне», - прызнаў Мачайціс.

Ён распавёў пра дынаміку міграцыі. «За мінулы дзень у нас не было ніводнага мігранта, а вось за час пасяджэння двое з'явіліся. Ідуць і ўдзень, ідуць праз усе муніцыпалітэты - ад Ігналінскага раёна, Швенчэнскага, Віленьскага, Шальчынінкскага, Аранскага, Лоздзееўскага да Друскеніцкайскага», - заўважыў палкоўнік.