«Справа рук Лукашэнкі»: у Еўрапарламенце адрэагавалі на гібель кіраўніка Беларускага дома ва Украіне
45- 3.08.2021, 12:45
- 45,498
Рэжым учыніў яшчэ адзін акт міжнароднага тэрарызму.
Еўрапарламентарыі, якія першымі адрэагавалі на забойства ў Кіеве кіраўніка Беларускага дома ва Украіне Віталя Шышова|, мяркуюць, што за гэтым стаіць рэжым Аляксандра Лукашэнкі.
Пра гэта паведамляе "Еўрапейская праўда".
"Яшчэ адзін кашмар. Ніхто не можа адчуваць сябе ў бяспецы, Лукашэнка забівае ўласных грамадзян. На гэты раз - ва Украіне", - напісала нямецкая дэпутатка ад "Зялёных" Віёла фон Краман.
Another nightmare. Nobody is safe. #Belarus #Lukashenka #Killing his own people. This time in #Ukr https://t.co/4Mw9CZsU0r
— Viola von Cramon (@ViolavonCramon) August 3, 2021
"Забойства грамадзяніна Беларусі Віталя Шышова, кіраўніка ГА "Беларускі дом" ва Украіне - гэта яшчэ адзін акт міжнароднага тэрарызму з боку рэжыму Лукашэнкі", - заявіў літоўскі еўрадэпутат Петрас Аўстравічус.
Ён успомніў забойства журналіста Паўла Шарамета ў 2016 годзе і дадаў, што, на ягоную думку, за ім таксама стаяць спецслужбы Беларусі.
Killing of Belarusian citizen Vitaliy @Shishov, head of the NGO @Belarusian House in @Ukraine yet another act of international terrorism by @Lukashenka regime. Investigative journalist Pavel @Sheremet was murdered in 2016 with Belarus KGB behind.
— Petras Austrevicius (@petras_petras) August 3, 2021
Як раней паведамляла "Украінская праўда", старшыня Беларускага дома ва Украіне Віталя Шышова, які знік у Кіеве 2 жніўня, знайшлі павешаным у сталічным парку. У паліцыі паведамілі, што пачалі крымінальную справу паводле артыкула "наўмыснае забойства", але будуць правяраць усе версіі.
Калегі Шышова з Беларускага дома заявілі, што за Віталём сачылі, і паліцыя пра гэта ведала.
У арганізацыі перакананыя, што смерць Шышова - гэта "спланаваная чэкістамі аперацыя для ліквідацыі сапраўды небяспечнага для рэжыму беларуса", і заявілі, што будуць працягваць дамагацца высвятлення праўды пра гібель Віталя.
Шышоў стаяў ля вытокаў стварэння Беларускага дома ва Украіне. Ён пераехаў ва Украіну восенню 2020 года - пасля выхаду на гомельскія пратэсты ў жніўні і далейшага актыўнага супрацьстаяння рэжыму Лукашэнкі.
У Беларускім доме Віталь дапамагаў беларусам, якія пераехалі ў Беларусь, арганізоўваў акцыі супраць рэжыму Лукашэнкі, звароты ў дзяржаўныя органы для прасоўвання законапраектаў, якія дапамагаюць яго суайчыннікам.