У ПАРЕ паднялі тэму сітуацыі ў Беларусі насуперак заявам расейскай дэлегацыі
23- 27.09.2021, 21:40
- 35,592
Дэбаты аб міграцыйным крызісе, які быў справакаваны беларускімі ўладамі, пройдуць у чацвер.
Сёння ў Страсбургу адкрылася сесія Парламенцкай асамблеі Рады Еўропы (ПАРЕ). На сесіі паднялі тэму Беларусі, паведамляе дэпутат Вярхоўнай Рады Украіны Аляксей Ганчарэнка:
- ПАРЕ толькі што прагаласавала за правядзенне дэбатаў аб сітуацыі з міграцыйным крызісам, які Лукашэнка справакаваў на мяжы Беларусі з Літвой, Латвіяй і Польшчай. Дэбаты пройдуць у чацвер.
Дарэчы, расейская дэлегацыя актыўна выступала супраць правядзення гэтых дэбатаў. Таму давялося браць слова і прасіць калег падтрымаць. Што яны і зрабілі. Дзякуй!
Дэпутат Вярхоўнай Рады падкрэсліў, што дэлегат Расеі ў ПАРЕ Сяргей Кісляк вельмі намагаў на тым, каб дэбаты аб міграцыйным крызісе на межах Беларусі, Літвы, Латвіі і Польшчы не адбыліся. Ён заявіў, што праблема «надуманая».
- У сваім выступе я зняпраўдзіў гэтыя маніпуляцыі расейскага боку. У выніку ПАРЕ прыслухалася і прагаласавала за правядзенне тэрміновых дэбатаў аб сітуацыі з міграцыйным крызісам. Гэта вельмі важная праблема, якую неабходна тэрмінова развязваць! - мяркуе Ганчарэнка.