У Беларусі масава закрываюцца ІП

У якіх сферах бізнэсу іх стала найменш?

Летась у Беларусі адкрылася крыху больш юрыдычных асоб і ІП, чым годам раней, але вось хуткасць закрыцця бізнэсу вырасла вельмі моцна, заўважыў OfficeLife. У некаторых сферах ІП зачыняліся на 42% хутчэй, чым у 2020-м.

За 2021 год колькасць юрыдычных асоб у краіне вырасла ўсяго на 0,1%, да 143,3 тысячы, а індывідуальных прадпрымальнікаў - на 1,2%, да 274,3 тысячы, паведамляе Белстат.

На працягу года ў краіне былі зарэгістраваны 9,673 юрыдычных асоб — на 4,9% больш, чым у 2020-м, і 29,070 індывідуальных прадпрымальнікаў — менш на 6%. У той жа час ліквідавана 9,682 юрыдычныя асобы, што на 7% больш, чым год таму, таксама спынілі сваю дзейнасць 27,094 індывідуальных прадпрымальнікаў — на 11,4% больш, чым у 2020-м.

Больш за ўсё пацярпелі сфера праграмавання. ІП, якія адкрылі бізнэс у IT-сферы, стала на 2,2% больш, чым годам раней, а спынілі дзейнасць у гэтай сферы - на 41,9% больш, чым у 2020-м.

У прамысловасці з'явілася ІП на 11,5% менш, чым у 2020-м, а закрылася - на 11,2% больш, у гандлі - на 7,8 і 9,4% адпаведна, у прафесійнай, навуковай і тэхнічнай дзейнасці - на 9,9 і 27,3%, у сферы адміністрацыйных і дапаможных паслуг - на 13,3 і 13,1%, у галіне аперацый з нерухомай маёмасцю - на 22,2 і 23,2%.

Самыя высокія тэмпы стварэння і закрыцця бізнэсаў назіраліся ў сталіцы. Тут летась зарэгістравана 4,880 кампаній (палова ад агульнай колькасці), што на 14, 2% больш, чым у 2020-м, а ліквідавана 4,207 - больш на 31, 1%, чым годам раней. Адначасова ў Менску з'явілася ўсяго 5,902 новыя ІП (20,3% зарэгістраваных у краіне) — на 33% менш, чым год таму. Затое спынілі сваю дзейнасць 8,246 ІП (30% ад агульнай колькасці), што на 61,6 адсотка больш, чым у 2020 годзе.