Украіна разарвала чарговую дамову з Беларуссю

Кіеў разрывае ўсе сувязі з рэжымам Лукашэнкі.

Украіна разарвала з Беларуссю пагадненне аб супрацоўніцтве ў галіне моладзевай палітыкі.

Пра гэта паведамляе Telegram прадстаўніка ўрада ў ВР Тараса Мельнічука.

«Спыненае дзеянне пагаднення паміж урадам Украіны і ўрадам Рэспублікі Беларусь аб супрацоўніцтве ў галіне моладзевай палітыкі, падпісанае 14.12.1995 г. у Кіеве», - напісаў ён.

Нагадаем, раней Украіна разарвала пагадненне аб супрацоўніцтве з сілавікамі Беларусі. Таксама было скасаванае пагадненне аб суднаходстве.

Акрамя таго, украінскі ўрад захацеў разарваць пагадненне аб прадухіленні двайнога падаткаабкладання з Беларуссю.