Генеральны штаб УСУ: Войскі РФ кідаюць пазіцыі на поўдні Украіны

Вечаровая справаздача.

Расейскія акупанты ў паўднёвых рэгіёнах краіны кідаюць пазіцыі і адыходзяць. Акупанты знішчаюць запасы боепрыпасаў, спрабуюць знішчыць масты і пераправы, каб запаволіць наступ УСУ.

Пра гэта паведамляе Генштаб у вечаровай справаздачы ў «Фейсбуке».

Галоўнае са справаздачы Генштаба:

Застаецца пагроза нанясення супраціўнікам авіяцыйных і ракетных удараў на ўсёй тэрыторыі Украіны. Цягам дня, акупанты нанеслі 5 ракетных і 1 авіяцыйны ўдар, здзейснілі больш за 15 абстрэлаў з РСЗА.

Ад варожых удараў пацярпелі аб'екты і цывільнае насельніцтва больш за 12 населеных пунктаў. Сярод іх - Харкаў, Краматорск, Андрэеўка (Днепрапятроўскай вобласці), Бахмут, Чыгуначнае, Вазьнясенск і Прыдняпроўскае.

У РФ працягваюцца мерапрыемствы так званай "частковай мабілізацыі". З наяўнай інфармацыі, казанскі цэнтр камплектавання вырабляе фармаванне і камплектаванне трох мотастралковых і двух артылерыйскіх палкоў на фондах казанскай вышэйшай танкавай каманднай вучэльні.

Нягледзячы на мерапрыемствы мабілізацыі, якія працягваюцца, расейскі бок працягвае выкарыстоўваць на тэрыторыі Украіны прыватныя вайсковыя кампаніі, укамплектаваныя асобамі, завербаванымі ў месцах пазбаўлення волі. Так, на часова акупаванай тэрыторыі Луганскай вобласці, у так званых цэнтрах падрыхтоўкі, працягваецца навучанне ўказанай катэгорыі асоб для далейшага накіравання іх на лінію сутыкнення.

Для ўдакладненай інфармацыі, 3 кастрычніка на поўдні Украіны пацверджанае знішчэнне Сіламі абароны да трыццаці аб'ектаў супраціўніка. Вораг дэмаралізаваны, пакідае пазіцыі, адыходзіць на бяспечную адлегласць, знішчае запасы боепрыпасаў, спрабуе знішчыць масты і пераправы. Усё гэта - з мэтай запаволення тэмпаў наступлення УСУ.

За сёння падраздзяленні ВСУ адбілі атакі супраціўніка ў раёнах населеных пунктаў Маёрск, Выемка, Спорнае, Азеранаўка, Зайцава, Бахмут, Бахмуцкае, Вясёлае, Першамайскае і Новоміхайлаўка.

Авіяцыя Сіл абароны на працягу дня нанесла 12 удараў. Пацверджанае знішчэнне 2 апорных пунктаў, 8 месцаў засяроджвання ўзбраення і вайсковай тэхнікі, а таксама 2 зенітныя ракетныя комплексы праціўніка. Акрамя таго, нашы падраздзяленні супрацьпаветранай абароны збілі 2 БПЛА ворага.

Ракетныя войскі і артылерыя ўчора знішчылі пункт кіравання, а таксама 2 раёны засяроджвання жывой сілы, узбраення і вайсковай тэхнікі акупантаў.