Расея па-варварску абстрэльвае Украіну ракетамі: у шэрагу абласцей выбухі
17- 15.11.2022, 17:26
- 16,360
Зафіксаваныя тры хвалі пускаў расейскіх ракет.
Расея ажыццявіла масаваны пуск ракет па ўкраінскіх гарадах. У большасці абласцей спрацавалі сілы СПА, аднак ёсць і пападанне, піша unian.net.
Выбухі ў Кіеве і вобласці.
Таксама серыю выбухаў чулі ў сталіцы. Паводле інфармацыі мэра Кіева Віталя Клічко, ёсць траплянне ў Пячэрскі раён горада: «Паводле папярэдняй інфармацыі, у два жылыя дамы. Некалькі ракет збілі СПА над Кіевам. Медыкі і ратавальнікі на месцы пападанняў. Больш падрабязная інфармацыя пасля», - паведаміў ён.
Як удакладніў кіраўнік Кіеўскай АВ Аляксей Кулеба, у Кіеўскай вобласці працуе СПА. Ёсць інфармацыя аб збітых аб'ектах.
Ракеты над Чаркаскай вобласцю
Начальнік Чаркаскай АВА Ігар Табурэц таксама паведамляе, што над тэрыторыяй вобласці варожыя ракеты.
Выбухі ў іншых абласцях
Таксама СПА спрацавалі ў Міргарадскай грамадзе на Палтаўскай вобласці, Вінніцкай, Мікалаеўскай, Сумскай, Хмяльніцкай, Львоўскай і Жытомірскай абласцях.
Частка Львова без святла, удакладніў гарадскі галава Андрэй Садовы.